ലോകായുക്തയുടെ വിധി പുനപരിശോധിക്കാൻ സര്ക്കാരിന് അധികാരം നൽകുന്നതാണ് ലോകായുക്ത ബില്ലിലെ ഭേദഗതി. ബില്ലിൽ വ്യവസ്ഥ ചെയ്യുന്നത് ഗവര്ണര്ക്കോ മുഖ്യമന്ത്രിക്കോ സര്ക്കാരിനോ ഹിയറിംഗ് നടത്തി ലോകായുക്തയുടെ വിധി പുനപരിശോധിക്കാമെന്നും വിധി തള്ളിക്കളയാമെന്നുമാണ്
നിയമഭേദഗതി ബിൽ ബുധനാഴ്ച നിയമസഭയിൽ അവതരിപ്പിക്കും. ഇതിനായി പ്രത്യേക സമ്മേളനം തിങ്കളാഴ്ച ആരംഭിക്കുകയാണ്. സമ്മേളനം വിളിച്ചു ചേര്ക്കാൻ സര്ക്കാര് തീരുമാനിച്ചത് സമര്പ്പിച്ച ഏഴ് ഓര്ഡിനൻസുകളിൽ ഗവര്ണര് ഒപ്പിടാതിരുന്നതോടെയാണ്.
ഗവര്ണറും സര്ക്കാരും തമ്മിലുള്ള അസാധാരണ പോരാണ് നിയമസഭാ സമ്മേളനത്തിൽ പ്രധാനമായും ചര്ച്ചയ്ക്ക് വഴിയൊരുക്കുക. വരുന്ന ബുധനാഴ്ച ബിൽ സര്ക്കാര് നിയമസഭയിൽ അവതരിപ്പിക്കുമ്പോൾ പ്രതിപക്ഷം ബില്ലിനെ ശക്തിയായി എതിര്ക്കും എന്നുറപ്പാണ് എന്നാൽ സിപിഐയുടെ നിലപാടാവും സഭയിൽ കൂടുതൽ നിര്ണായകമാവുക.
ലോകായുക്ത ഭേദഗതി സംബന്ധിച്ച് സിപിഎം നിലപാടിന് വിരുദ്ധമായ അഭിപ്രായമാണ് സിപിഐക്കുള്ളത്. ഈ ഭിന്നത പരിഹരിക്കാൻ ഇതുവരെ സിപിഐ-സിപിഎം ചര്ച്ച നടന്നിട്ടില്ല. ലോകായുക്ത വിധി മുഖ്യമന്ത്രിക്കോ സർക്കാറിനോ തള്ളിക്കളയാമെന്ന സര്ക്കാര് ഭേദഗതിയോട് സിപിഐക്ക് എതിർപ്പാണ്.
പ്രതികരിക്കാൻ ഇവിടെ എഴുതുക