ഇടുക്കി കുടയത്തൂരില് ഉരുള്പൊട്ടലില് ഒരു മരണം. ഉരുള്പൊട്ടിയത് സംഗമം കവല മാളിയേക്കല് കോളനിയിലാണ് .ഇന്ന് പുലര്ച്ചെ മൂന്ന് മണിയോടെയാണ് ഉരുള്പൊട്ടലുണ്ടായത്.
ചിറ്റാലിച്ചാലില് സോമന്റെ വീട് പൂര്ണമായും ഒലിച്ചുപോയി. മാതാവ് തങ്കമ്മയുടെ മൃതദേഹം കണ്ടെത്തി. സോമന്, ഭാര്യ, മകള്, മകളുടെ മകള്, സോമന്റെ മാതാവ് എന്നിവരാണ് അപകട സമയത്ത് വീട്ടിലുണ്ടായിരുന്നത്.
ഒരു കുടുംബത്തിലെ നാല് പേരെ കാണാതായെന്നാണ് സംശയം. കാണാതായവര്ക്ക് വേണ്ടി ഫയര്ഫോഴ്സും നാട്ടുകാരും പൊലീസും തെരച്ചില് ഊര്ജിതമാക്കിയിട്ടുണ്ട്.
ഇന്നലെ രാത്രി മുതല് അതിശക്തമായ മഴയാണ് പ്രദേശത്ത് പെയ്യുന്നത്. പ്രദേശത്ത് ആദ്യമായാണ് ഉരുള്പൊട്ടലുണ്ടാകുന്നതെന്നും രക്ഷാപ്രവര്ത്തനം ഊര്ജിതമാക്കി.ജാഗ്രത തുടരണമെന്ന് ഡീന് കുര്യാക്കോസ് എംപി പ്രതികരിച്ചു.
പ്രതികരിക്കാൻ ഇവിടെ എഴുതുക