പാറശാല: പാറശാലയില് 14കാരനെ വീട്ടില് അതിക്രമിച്ചു കടന്ന് തട്ടിക്കൊണ്ടു പോയതായി പരാതി.
മാതാപിതാക്കളില്ലാത്ത സമയത്ത് വീട്ടിൽ അതിക്രമിച്ചു കടന്ന തമിഴ്നാട് സ്വദേശികളുടെ സംഘമാണ് സഹോദരിയെയും അയല്വാസിയെയും അടിച്ചു വീഴ്ത്തിയ ശേഷം കുട്ടിയെ തട്ടിക്കൊണ്ടു പോയത്.
കൊട്ടിയം കണ്ണനല്ലൂർ വാലിമുക്ക് കിഴവൂർ ഫാത്തിമാ മൻസിലിൽ ആസാദിന്റെ മകൻ ആഷിക്കിനെയാണ് തിങ്കളാഴ്ച വൈകിട്ട് 6.30ന് ആറംഗ സംഘം തട്ടിക്കൊണ്ടു പോയത്.
പൊലീസിന്റെ സമയോചിത ഇടപെടലിനെ തുടര്ന്ന്
രാത്രി 11.30 ന് പാറശാലയിൽ സംഘത്തെ തടഞ്ഞ് അബോധാവസ്ഥയിലായിരുന്ന കുട്ടിയെ മോചിപ്പിച്ചു. തട്ടിക്കൊണ്ടുപോകൽ സംഘത്തിലെ ഒരാളെ അറസ്റ്റ് ചെയ്തു. തമിഴ്നാട്ടിലേക്ക് പ്രവേശിക്കുന്നതിന് വെറും 100 മീറ്റർ മുൻപാണ് സംഘത്തെ തടഞ്ഞത്.
കന്യാകുമാരി കാട്ടാത്തുറ തെക്കയിൽ പുലയൻവിളയിൽ ബിജു (30) ആണ് പിടിയിലായത്. കടന്നുകളഞ്ഞ ആൾ ഫിസിയോതെറപ്പിസ്റ്റ് ആണെന്ന് സംശയമുണ്ട്.
പ്രതികരിക്കാൻ ഇവിടെ എഴുതുക