മലബന്ധം പലരെയും അലട്ടുന്ന ഒരു പ്രധാന പ്രശ്നമാണ്. നമ്മുടെ ആഹാരശീലവും മറ്റുമാണ് മലബന്ധം ഉണ്ടാകാനുള്ള പ്രധാന കാരണം. ഈ കാര്യങ്ങൾ ശ്രദ്ധിച്ചാൽ മലബന്ധം അകറ്റാനാവും
നിർജ്ജലീകരണം മലബന്ധത്തിലേക്ക് നയിക്കാം. ഇത് തടയുന്നതിന്, ആവശ്യത്തിന് വെള്ളം കുടിക്കുകയും ജലാംശം നിലനിർത്തുകയും ചെയ്യേണ്ടത് പ്രധാനമാണ്. ദിവസവും കുറഞ്ഞത് എട്ട് ഗ്ലാസ്സ് വെള്ളമെങ്കിലും കുടിക്കാൻ ശ്രദ്ധിക്കുക.
നാരുകൾ അഥവ ഫെെബർ അടങ്ങിയ ഭക്ഷണം ധാരാളമായി ഉള്പ്പെടുത്തുക. ഇത് ആരോഗ്യത്തിന് വളരെ നല്ലതാണ് എന്നതിലുപരി ദഹന സംബന്ധമായ പ്രശ്നങ്ങള്ക്ക് പരിഹാരം കാണുന്നതിന് സഹായിക്കുന്നു. ഇലക്കറികള്, പഴവര്ഗങ്ങള്, പച്ചക്കറികള്, തവിടുകളയാത്ത ധാന്യം എന്നിവയില് നാരുകള് സമൃദ്ധമായി അടങ്ങിയിട്ടുണ്ട്.
പതിവായി വ്യായാമം ചെയ്യുന്നത് മലബന്ധം ഉണ്ടാവുന്നതിനുള്ള സാധ്യത കുറയ്ക്കുന്നു. ദിവസവും നടക്കുന്നതും ലഘു വ്യായാമങ്ങള് ചെയ്യുന്നതും എന്തുകൊണ്ടും നല്ലതാണ്. ഇത് മലബന്ധം തടയുന്നതിന് സഹായിക്കുന്നു.
വാഴപ്പഴം കഴിക്കുന്നത് മലബന്ധം ഇല്ലാതാക്കാന് സഹായിക്കുന്നു. വാഴപ്പഴത്തിലുള്ള പൊട്ടാസ്യമാണ് ഇതിന് സഹായിക്കുന്നത്. അതുകൊണ്ട് തന്നെ ദിവസവും കിടക്കും മുന്പ് ഒരു വാഴപ്പഴം കഴിക്കുന്നത് മലബന്ധം എന്ന പ്രശ്നത്തിന് പരിഹാരം കാണുന്നതിന് സഹായിക്കുന്നു. മാത്രമല്ല ദഹന സംബന്ധമായ പ്രശ്നങ്ങള്ക്കും വാഴപ്പഴം ഏറെ നല്ലതാണ്.
മലബന്ധം തടയാൻ ഏറ്റവും മികച്ചതാണ് ഉണക്കമുന്തിരി. രാത്രി ഉണക്ക മുന്തിരി വെള്ളത്തില് കുതിര്ക്കാനിട്ട ശേഷം രാവിലെ ആ വെള്ളം കുടിക്കുന്നത് മലബന്ധം തടയാൻ സഹായിക്കും. ഉണക്കമുന്തിരി കഴിക്കുന്നത് ശരീരത്തിന് ആവശ്യമായ പോഷകങ്ങള് ഉണ്ടാക്കുന്നതിനും സഹായിക്കുന്നു.
ഇഞ്ചി ചായ പൊതുവേ ആരോഗ്യത്തിന് മികച്ചതാണെന്ന് നമ്മുക്കെല്ലാവർക്കും അറിയാം. മലബന്ധ പ്രശ്നമുള്ളവർ ഇഞ്ചി ചായ കുടിക്കുന്നത് ശീലമാക്കുക. ഇത് മലബന്ധം തടയാനും ദഹന സംബന്ധമായ പ്രശ്നങ്ങൾ അകറ്റാനും ഏറെ നല്ലതാണ്. മാത്രമല്ല, ശരീരത്തിലെ വിഷാംശം നീക്കം ചെയ്യാനും ഇത് സഹായിക്കും.
പ്രതികരിക്കാൻ ഇവിടെ എഴുതുക