ആവശ്യമായ സാധനങ്ങൾ
1 കപ്പ് അരിമാവ്
1 ടേബിൾസ്പൂൺ ജീരകം
ആവശ്യത്തിന് പെരുങ്കായം
1/2 ടീസ്പൂൺ എള്ള്
ആവശ്യത്തിന് ഉപ്പ്
2 കപ്പ് വെള്ളം
ആദ്യം അരിപ്പൊടി, ജീരകം, കായം, എള്ള്, ഉപ്പ് എന്നിവ ഒരു പാത്രത്തിൽ എടുത്ത് വെള്ളവും ചേർത്ത് നന്നായി യോജിപ്പിച്ചെടുക്കുക.
ഈ മിശ്രിതം കട്ട പിടിച്ചിട്ടില്ലെന്ന് ഉറപ്പാക്കണം. അതിനായി യോജിപ്പിക്കുമ്പോൾ ശ്രദ്ധിക്കുക.
ഇനി ചെറിയ പാത്രങ്ങൾ എടുത്ത് അതിൽ എണ്ണ പുരട്ടുക. എണ്ണ പുരട്ടുന്നത് വഴി തയ്യാറാക്കിയ മിശ്രിതം ഇതിൽ ഒഴിക്കുമ്പോൾ ഒട്ടിപ്പിടിക്കില്ല.
ഈ പാത്രങ്ങളിലേയ്ക്ക് തയ്യാറാക്കിയ മാവ് ഒഴിച്ച് 10 -15 മിനിറ്റ് വരെ ആവിയിൽ പാകം ചെയ്യുക. ശേഷം തുറന്ന് നോക്കുമ്പോൾ മാവ് നല്ല കട്ടിയായി വന്നിട്ടുണ്ടാകും.
ഈ പപ്പടം ഒരു ബട്ടർ പേപ്പറിൽ വെച്ച് രണ്ട് മൂന്ന് ദിവസം വെയിലത്ത് വെച്ച് ഉണ്ടാക്കിയെടുക്കുക. ഇത് പപ്പടം ദീർഘനാൾ കേടുകൂടാതെ ഇരിക്കാൻ സഹായിക്കും.
വെയിലത്ത് വെച്ച് നന്നായി ഉണങ്ങിയ പപ്പടം ഇനി എണ്ണയിൽ സാധാരണ പപ്പടം വറുക്കുന്ന പോലെ വറുത്തെടുക്കാം.
പ്രതികരിക്കാൻ ഇവിടെ എഴുതുക