കാലില് ഇട്ടിരിക്കുന്ന നെയ്ല് പോളീഷ് ആദ്യം വ്യത്തിയായി തുടച്ച് കളയുക. ഇതിന് ശേഷം ഒരു ബക്കറ്റില് ചെറു ചൂട് വെള്ളം എടുക്കുക. ഈ വെള്ളത്തിലേക്ക് ഒരു അല്പ്പം ഉപ്പ് ചേര്ക്കാം. കല്ല് ഉപ്പാണ് പെഡിക്യൂര് ചെയ്യാന് ഏറ്റവും മികച്ചത്. അത് ഇല്ലാത്തവര്ക്ക് പൊടി ഉപ്പും ചേര്ക്കാം. വെള്ളത്തില് ഷാംപൂവും കൂടെ ചേര്ത്ത് നന്നായി യോജിപ്പിക്കണം.
ഇതിന് ശേഷം 5- 6 തുള്ളി എസെന്ഷ്യല് ഓയില് ചേര്ക്കാം. എസെന്ഷ്യല് ഓയില് ഇല്ലാത്തവര് നാരങ്ങ നീര് ചേര്ത്താല് മതിയാകും. ഇത്രയും എടുത്ത ശേഷം കാലുകള് രണ്ടും ഈ വെള്ളത്തില് 10 മുതല് 15 മിനിറ്റ് വരെ മുക്കി വയ്ക്കാം. ഇതിന് ശേഷം പ്യൂമിക് സ്റ്റോണ് ഉപയോഗിച്ച് നന്നായി കാലിന്റെ ഉപ്പൂറ്റി ഉരച്ച് വൃത്തിയാക്കണം. തൊലിപുറത്തെ ഡെഡ് സ്കീന് കളയാന് ഇത് സഹായിക്കും.
അടുത്തത് കാൽ വ്യത്തിയാക്കുന്ന ഘട്ടമാണ്. 15 മിനിറ്റിന് ശേഷം ആ വെള്ളത്തിൽ നിന്ന് കാല് പുറത്തെടുത്ത ശേഷം നഖം വെട്ടി വൃത്തിയാക്കാം. നെയില് ഫയറലറും നെയില് ബഫറും ഉപയോഗിച്ച് കാലിലെ നഖങ്ങള് വ്യത്തിയാക്കണം. കാലുകളിലെ നഖങ്ങള് ഷേപ്പ് ആക്കി എടുക്കണം. കൃത്യമായി നഖം ഷേപ്പ് ചെയ്യാന് കഴിയില്ലെങ്കില് നന്നായി വെട്ടി വൃത്തിയാക്കുന്നതാണ് ഉചിതം. ഇതിന് ശേഷം കാലില് ഒരു സ്ക്രബ് ഇടാം. വീട്ടില് തന്നെ തയാറാക്കുന്ന സ്ക്രബ് ആയിരിക്കും ഇതിന് ഏറ്റവും മികച്ചത്.
അതിനായി ഒരു സ്പൂണ് ഉപ്പും ഒരു സ്പൂണ് കടലമാവും എടുക്കുക. വെളിച്ചെണ്ണ ചേര്ത്ത് ഇവ രണ്ടും കൃത്യമായി യോജിപ്പിക്കുക. ഈ മിശ്രിതം കാലില് തേച്ച് പിടിപ്പിക്കണം. നല്ല രീതിയില് ഈ സ്ക്രബ് ഉപയോഗിച്ച് കാലുകള് മസാജ് ചെയ്യാം. മിശ്രിതം തയ്യാറാകുമ്പോള് ഇതിലേക്ക് അല്പ്പം ലെമണ് ഓയില് ചേര്ക്കുന്നതും വളരെ നല്ലതാണ്. ചര്മ്മം മൃദുവാക്കാന് ഇത് സഹായിക്കും.
സ്ക്രബ് ഉപയോഗിച്ച് കാല് മസാജ് ചെയ്ത ശേഷം വീണ്ടും നേരത്തെ എടുത്ത് വച്ച വെള്ളത്തില് കാല് കഴുകിയെടുക്കാം. അതിന് ശേഷം കാല് നല്ല വെള്ളത്തില് കഴുകാം. കാല് മോയ്സ്ചറൈസ് ചെയ്യുന്നതാണ് ഇതില് ഏറ്റവും പ്രധാനം. എല്ലാം കഴിഞ്ഞ ശേഷം കാല് വൃത്തിയായി മോയ്സ്ചറൈസ് ചെയ്ത് എടുക്കാം. ഇത് ചെയ്യുമ്പോള് നിങ്ങളുടെ കാലിന്റെ അടിയിലും കാല്വിരലുകളുടെ മടക്കുകളിലും സമ്മര്ദ്ദം ചെലുത്താന് ഓര്മ്മിക്കുക.
പ്രതികരിക്കാൻ ഇവിടെ എഴുതുക