മുളപ്പിച്ച പയറുവര്ഗ്ഗങ്ങളില് ധാരാളം പ്രോട്ടീന് കണ്ടന്റ് അടങ്ങിയിരിക്കുന്നു. അതുപോലെ, ശരീരത്തിന് ആവശ്യമായ കാര്ബ്സ്, വിറ്റാമിന്, മിനറല്സ്, നാരുകള് എന്നിവയെല്ലാം നല്ലതോതില് ഇവയില് അടങ്ങിയിരിക്കുന്നു. അതനാല്, ഇത് തൈറോയ്ഡ് രോഗികള്ക്ക് കഴിക്കാന് പറ്റിയ ഒരു ആഹാരമാണ്. ഇത് ഇവരുടെ ആരോഗ്യം നല്ല ഹെല്ത്തിയാക്കി നിലനിര്ത്തുവാന് സഹായിക്കും. അതുപോലെ, ദഹനമെല്ലാം കൃത്യമായ രീതിയില് നടക്കുന്നതിനും ഇത് സഹായിക്കുന്നുണ്ട്.
മത്തങ്ങയുടെ കുരു ആഹാരത്തില് ചേര്ക്കുന്നത് വളരെ നല്ലതാണ്. ഇതില് സിങ്ക് അടങ്ങിയിരിക്കുന്നു. ഇത് ശരീരത്തിലേയ്ക്ക് വേണ്ട പോഷകങ്ങള് ആഹാരത്തില് നിന്നും വലിച്ചെടുക്കുന്നതിന് സഹായിക്കുന്നു. ഇത് നിങ്ങളുടെ താറോയ്ഡ് ഹോര്മോണിനെ ബാലന്സ് ചെയ്യുന്നതിന് സഹായിക്കുന്നുണ്ട്. അതിനാല് മത്തന്റെ കുരു ആഹാരത്തില് ചേര്ക്കുന്നത് തൈറോയ്ഡ് രോഗികള്ക്ക് നല്ലതാണ്.
ഓറഞ്ചിനെ അപേക്ഷിച്ച് നെല്ലിക്കയില് എട്ട് മടങ്ങ് വിറ്റാമിന് സി അടങ്ങിയിരിക്കുന്നു. അതുപോലെ, മാതള നാരങ്ങ എടുത്താലും വിറ്റാമിന്സി യുടെ അളവ് കൂടുതല് നെല്ലിക്കയില് തന്നെയാണ്. ഇത് തൈറോയ്ഡ് ഗ്രന്ഥികളെ ആരോഗ്യത്തോടെ നിലനിര്ത്തുന്നതിനും അതുപോലെ, തൈറോയ്ഡ് ഉള്ളവരില് കണ്ടുവരുന്ന ഒരു പ്രശ്നമാണ് മുടി കൊഴിച്ചില്. മുടിയുടെ ആരോഗ്യത്തിന് ഏറ്റവും നല്ല മാര്ഗ്ഗമാണ് നെല്ലിക്ക. മുടിക്ക് നല്ല കരുത്തും മുടി വേഗത്തില് നരയ്ക്കുന്നത് തടയുന്നതിനും ഇത് സഹായിക്കുന്നുണ്ട്.
പ്രതികരിക്കാൻ ഇവിടെ എഴുതുക