തൃശ്ശൂർ പാലിയേക്കര ടോൾ പ്ലാസയ്ക്ക് സമീപം തലോറിൽ കണ്ടെയ്നർ ലോറിക്ക് പിറകില് ബസ് ഇടിച്ച് അപകടം. 23 പേര്ക്ക് പരുക്ക് പറ്റി ഇതിൽ 5 പേരുടെ നില ഗുരുതരമാണ്. ദേശീയപാതയോരത്ത് നിര്ത്തിയിട്ട മിനി കണ്ടെയ്നര് ലോറിക്കു പിറകില് മിനി ബസ് ഇടിച്ചാണ് ഇത്ര വലിയ അപകടത്തിലേക്ക് വഴിവെച്ചത്.
തമിഴ്നാട് സ്വദേശികള് സഞ്ചരിച്ചിരുന്ന ബസാണ് അപകടത്തില്പ്പെട്ടത്. പരുക്കേറ്റവരെ തൃശൂരിലെ സ്വകാര്യ ആശുപത്രിയിലും മെഡിക്കല് കോളജ് ആശുപത്രിയിലും പ്രവേശിപ്പിച്ചിട്ടുണ്ട്. ഇന്ന് പുലർച്ചെ നാല് മണിയോടെ ആയിരുന്നു അപകടം.പുതുക്കാട് നിന്നുള്ള ഫയർഫോഴ്സ് സംഘമാണ് ബസിന്റെ ക്യാബിനിൽ കുടുങ്ങിക്കിടന്ന ഡ്രൈവറെ രക്ഷപ്പെടുത്തിയത്.
പ്രതികരിക്കാൻ ഇവിടെ എഴുതുക