അരിക്കൊമ്പനായി കാട്ടില് അരി എത്തിച്ചു നല്കി തമിഴ്നാട് സർക്കാർ. അരി, ശര്ക്കര, പഴക്കുല എന്നിവയാണ് അരിക്കൊമ്പൻ ഇപ്പോഴുള്ള റിസര്വ് ഫോറസ്റ്റില് സർക്കാർ എത്തിച്ചു നൽകിയത്. ഷണ്മുഖ നദി ഡാമിനോടു ചേര്ന്നുള്ള റിസര്വ് വനത്തിലാണ് അരിക്കൊമ്പൻ ഇപ്പോള് ഉള്ളത്.
ആനയുടെ ആരോഗ്യം സംരക്ഷിക്കുന്നതിനായാണ് വനംവകുപ്പ് അരിയുള്പ്പടെയുള്ള ഭക്ഷ്യവസ്തുക്കള് വനത്തില് പലയിടത്തും എത്തിച്ചു നല്കിയത് എന്നാണ് അധികൃതർ പറയുന്നത്. സഞ്ചരിക്കുന്ന വഴി പരിചിതമല്ലാത്തതു കൊണ്ട് മരത്തിലോ മുള്ച്ചെടിയിലോ ഉരഞ്ഞ് ഉണ്ടായ മുറിവാകും അരിക്കൊമ്പന്റെ തുമ്പക്കൈയിലുണ്ടായത്. വനംവകുപ്പ് അധികൃതരോ ജനങ്ങളോ കാരണം അരിക്കൊമ്ബന് യാതൊരു തരത്തിലുള്ള പരിക്കും ഉണ്ടായിട്ടില്ല എന്നും തമിഴ്നാട് അധികൃതർ പറയുന്നു.
രണ്ടു ഷിഫ്റ്റുകളിലായി 300 പേരടങ്ങുന്ന സംഘം ആനയെ നിരീക്ഷിച്ചു വരികയാണ്. ആന നിലവില് മലയോര പ്രദേശത്തായതിനാല് തന്നെ അവിടെ നിന്ന് സമതല പ്രദേശത്തേക്ക് എത്തിയതിനു ശേഷം മാത്രമേ മയക്കുവെടി വെക്കൂ. ജനവാസ മേഖലയിലിറങ്ങി പ്രശ്നമുണ്ടാക്കാതെയിരിക്കുക എന്നതിനാണ് നിലവില് പ്രാധാന്യം നല്കുന്നതെന്നും അധികൃതർ അറിയിച്ചു.
പ്രതികരിക്കാൻ ഇവിടെ എഴുതുക