തിരുവനന്തപുരം: സംസ്ഥാന ഭക്ഷ്യ സുരക്ഷാ വകുപ്പിന്റെ നൂതന സംരംഭമായ ‘ഈറ്റ് റൈറ്റ്’ മൊബൈല് ആപ്പിന്റെ ഉദ്ഘാടനം ബുധനാഴ്ച ആരോഗ്യമന്ത്രി വീണാ ജോര്ജ് നിര്വഹിക്കും. ഈറ്റ് റൈറ്റ് കേരള എന്ന മൊബൈല് ആപ്പിലൂടെ ഗുണനിലവാരം സൂക്ഷിക്കുന്ന ഹോട്ടലുകളുടെ വിവരവും അവയുടെ ലൊക്കേഷനും അറിയാന് കഴിയുന്നതാണ്.
നിലവില് 1600 ഹോട്ടലുകളാണ് വിവിധ ജില്കളിലായി ഹൈജീന് റേറ്റിംഗ് പൂര്ത്തിയാക്കി ആപ്പില് സ്ഥാനം നേടിയിട്ടുള്ളത്. കൂടൂതല് സ്ഥാപനങ്ങളെ ഓഡിറ്റിംഗ് നടത്തി അതില് ഉള്പ്പെടുത്തുവാന് ശ്രമിച്ചുകൊണ്ടിരിക്കുന്നു. ഭക്ഷ്യസുരക്ഷാ നിയമത്തെക്കുറിച്ചുള്ള വിവരങ്ങളും ഈ ആപ്പില് ലഭ്യമാണ്. കൂടാതെ ഭക്ഷ്യ സുരക്ഷാ ഗ്രിവന്സ് പോര്ട്ടല് ഈ ആപ്പില് ലിങ്ക് ചെയ്തിരിക്കുന്നു. അതിനാല് ഈ ആപ്പിലൂടെ പരാതികള് അറിയിക്കുന്നതിനും കഴിയുന്നു.
പ്രതികരിക്കാൻ ഇവിടെ എഴുതുക