ആരാധകർ ഏറെ ആകാംഷയോടെ കാത്തിരിക്കുന്ന കമൽഹാസന്റെ ചിത്രമാണ് ‘ഇന്ത്യൻ 2’. 1996 ൽ എസ് ഷങ്കറിന്റെ സംവിധാനത്തിൽ പുറത്തിറങ്ങിയ ചിത്രത്തിന്റെ രണ്ടാം ഭാഗത്തിൽ വീണ്ടും സേനാപതിയാകാനുള്ള ശ്രമത്തിലാണ് കമൽഹാസൻ. 90 വയസ്സുള്ള സേനാപതി എന്ന കഥാപാത്രത്തിനായി മേക്കപ്പ് ചെയ്യുന്നതിനും നീക്കം ചെയ്യുുന്നതിനുമായി താരം ദിവസവും 7 മണിക്കൂറോളം ചെലവഴിക്കുന്നുവെന്നാണ് പുറത്തുവരുന്ന റിപ്പോർട്ട്.
കഥാപാത്രങ്ങൾക്കായി രൂപമാറ്റങ്ങളിൽ ഏറ്റവും അധികം പരീക്ഷണങ്ങൾ നടത്തുന്ന താരമെന്ന നിലയിൽ കൂടിയാണ് താരം അറിയപ്പെടുന്നക്. അതിനായി സാങ്കേതിക വിദ്യയുടെ ബലത്തിൽ പുത്തൻ മാറ്റങ്ങൾ കൊണ്ടുവരാനും പലപ്പോഴും ശ്രമിച്ചിട്ടുണ്ട്. അവ്വൈ ഷൺമുഖി, ആളവന്താൻ, അപ്പുരാജ, അഭയ്, ദശാവതാരം, വിശ്വരൂപം തുടങ്ങിയ ചിത്രങ്ങളിൽ എല്ലാം ഈ പരീക്ഷണം കാണാം.
രാവിലെ 9 മണിക്ക് ചിത്രീകരണം ആരംഭിക്കുന്ന ദിവസങ്ങളിൽ പുലർച്ചെ 5 മണിക്ക് മെയ്ക്ക് ആരംഭിക്കുമെന്നാണ് അണിയറപ്രവർത്തകർ പറയുന്നത്. ചൂട് കൂടുതലുള്ള ദിവസങ്ങളിൽ വളരെ കുറച്ച് ഭാഗം മാത്രമേ ഷൂട്ട് ചെയ്യാനാകൂ. മേയ്ക്ക് അപ്പ് നീക്കം ചെയ്യാനും മണിക്കൂറുകൾ എടുക്കും.
പ്രതികരിക്കാൻ ഇവിടെ എഴുതുക