കൊച്ചി: അഞ്ചുവയസുകാരിയുടെ കൊലപാതകത്തില് പ്രതി അസഫാക്കിന്റെ തിരിച്ചറിയല് പരേഡ് ഇന്ന്. ആലുവ സബ്ജയിലില് വെച്ച് മജിസ്ട്രേറ്റിന്റെ സാന്നിധ്യത്തിലാണ് തിരിച്ചറിയല് പരേഡ് നടക്കുക. കുട്ടിയുമായി പ്രതി പോകുന്നത് കണ്ടവരെയെല്ലാം ജയിലിലെത്തിക്കും. എറണാകുളം ചീഫ് ജുഡീഷ്യല് മജിസ്ട്രേറ്റ് കോടതിയുടേതാണ് ഉത്തരവ്.
തിരിച്ചറിയല് പരേഡിന് ശേഷം പ്രതിയെ കസ്റ്റഡിയില് വാങ്ങാനാണ് പൊലീസ് തീരുമാനം. എറണാകുളം പോക്സോ കോടതിയില് കസ്റ്റഡി അപേക്ഷ നല്കാനാണ് അന്വേഷണ സംഘത്തിന്റെ തീരുമാനം. പ്രതിക്കെതിരെ കൊലപാതകം, പോക്സോ, തട്ടിക്കൊണ്ടുപോകല്, ബലാത്സംഗം എന്നീ വകുപ്പുകളാണ് ചുമത്തിയിട്ടുള്ളത്. ആകെ 9 വകുപ്പുകള് പ്രതിക്കെതിരെ ചുമത്തിയിട്ടുണ്ട്.
പ്രതികരിക്കാൻ ഇവിടെ എഴുതുക