ഇന്ത്യ മുന്നണിയുടെ എംപിമാര് ഇന്ന് രാഷ്ട്രപതി ദ്രൗപദി മുര്മുവിനെ കാണും. മണിപ്പൂർ സന്ദർശിച്ചതിനു ശേഷമാണ് കൂടിക്കാഴ്ച്ച .
രാജ്യസഭാ പ്രതിപക്ഷ നേതാവ് മല്ലികാര്ജുന് ഖര്ഗെയുടെ നേതൃത്വത്തിലാണ് രാഷ്ട്രപതിയുമായി കൂടിക്കാഴ്ച നടത്തുക . കലാപ മേഖലയിലെ ദുരിതാശ്വാസ ക്യാമ്പുകള് സന്ദര്ശിച്ച പ്രതിപക്ഷ സഖ്യം തയ്യാറാക്കിയ റിപ്പോര്ട്ട് രാഷ്ട്രപതിക്ക് കൈമാറും.
കലാപം നേരിടുന്നതില് സംസ്ഥാന, കേന്ദ്രസര്ക്കാരുകളുടെ പരാജയം ചൂണ്ടിക്കാട്ടി രാഷ്ട്രപതിയുടെ അടിയന്തര ഇടപെടല് തേടും.അതേസമയം മണിപ്പൂര് വിഷയത്തില് പാര്ലമെന്റ് നടപടികള് ഇന്നും പ്രക്ഷുബ്ദമാകും.
അവിശ്വാസ പ്രമേയ ചര്ച്ച വൈകുന്ന സാഹചര്യത്തില് പ്രതിപക്ഷ പാര്ട്ടികള് പാര്ലമെന്റില് ഇന്നും അടിയന്തര പ്രമേയത്തിന് അവതരണാനുമതി തേടിയിട്ടുണ്ട്. സഭ മറ്റ് നടപടികള് ഉപേക്ഷിച്ച് മണിപ്പൂര് വിഷയം ചര്ച്ച ചെയ്യണം എന്നാണ് ആവശ്യം.
പ്രതികരിക്കാൻ ഇവിടെ എഴുതുക