അന്തരിച്ച മുന് മുഖ്യമന്ത്രി ഉമ്മന് ചാണ്ടിയുടെ അനുസ്മരണത്തോടെ പതിനഞ്ചാം കേരള നിയമസഭയുടെ ഒമ്പതാം സമ്മേളനത്തിന് തുടക്കമായി. സ്പീക്കര് എ.എന് ഷംസീര് ഉമ്മന് ചാണ്ടിക്കും മുന് സ്പീക്കറും കോണ്ഗ്രസ് നേതാവുമായിരുന്ന വക്കം പുരുഷോത്തമനും ചരമോപചാരം അര്പ്പിച്ച് അനുശോചന പ്രമേയം അവതരിപ്പിച്ചു. ഉമ്മന്ചാണ്ടിയുടെ വേര്പാടോടെ അവസാനിച്ചിരിക്കുന്നത് കേരള രാഷ്ട്രീയത്തിലെ ഒരു സുപ്രധാന ഏടാണെന്ന് മുഖ്യമന്ത്രി പ്രതികരിച്ചു.
53 വര്ഷത്തിന് ശേഷം ഉമ്മന്ചാണ്ടിയില്ലാത്ത ആദ്യ നിയമസഭാ സമ്മേളനത്തിനാണ് ഇന്ന് തുടക്കം കുറിച്ചിരിക്കുന്നത്. സ്പീക്കര് അനുശോചന പ്രമേയം വായിക്കുന്ന സമയം മുഴുവന് സഭാംഗങ്ങളെല്ലാം എഴുന്നേറ്റ് നിന്നു കൊണ്ട് അന്തരിച്ച നേതാക്കളോടുള്ള ആദരവ് പ്രകടിപ്പിച്ചു.
സംസ്ഥാനത്ത് ഉടനീളം സഞ്ചരിച്ച് ജനങ്ങളുടെ പ്രശ്നങ്ങള് കേള്ക്കാന് തയ്യാറായ നേതാവ്. രാഷ്ട്രീയ ജീവിതത്തില് പ്രതിസന്ധികളെ നേരിടാന് അസാമാന്യമായ മനക്കരുത്തും തന്റേടവും ഉമ്മന് ചാണ്ടി കാണിച്ചിരുന്നു. രാഷ്ട്രീയ പ്രവര്ത്തകര്ക്കും വിദ്യാര്ത്ഥികള്ക്കും പാഠപുസ്തകമായിരുന്നു ഉമ്മന് ചാണ്ടിയെന്നും സ്പീക്കര് അനുസ്മരിച്ചു.
പ്രതികരിക്കാൻ ഇവിടെ എഴുതുക