കേന്ദ്രത്തിന്റെ നിഷേധ നിലപാട് പദ്ധതികളെ ബാധിക്കില്ലെന്ന് വ്യക്തമാക്കി മുഖ്യമന്ത്രി പിണറായി വിജയൻ. നിയമസഭയില് ആണ് മുഖ്യമന്ത്രിയുടെ പ്രതികരണം. കിഫ്ബി വഴിയുള്ളത് സംസ്ഥാനം നടപ്പിലാക്കുന്ന പദ്ധതിയാണ്. അതേസമയം സര്ക്കാരിന്റെ പൊതുവായ പ്രവര്ത്തനത്തിന് കേന്ദ്രസര്ക്കാരിന്റെ സമീപനം തടസമാകുന്നതായും മുഖ്യമന്ത്രി വ്യക്തമാക്കി.
അതേസമയം 50,000 കോടിയുടെ പശ്ചാത്തല വികസനപദ്ധതികള് കിഫ്ബി വഴി നടപ്പാക്കുകയെന്നതായിരുന്നു മുന്സര്ക്കാരിന്റെ പ്രഖ്യാപിത ലക്ഷ്യം. സംസ്ഥാനത്ത് വന്കിട അടിസ്ഥാന സൗകര്യവികസനത്തിന് വേണ്ടി വിവിധ മേഖലകളിലെ പദ്ധതിക്ക് കിഫ്ബി അംഗീകാരം നല്കിയിട്ടുണ്ട്. കേന്ദ്രസര്ക്കാര് കേരളത്തിന്റെ വികസനത്തിന് ഉതകുന്ന നടപടികളില് നിഷേധാത്മക സമീപനമാണ് സ്വീകരിക്കുന്നത് എന്നും പിണറായി വിജയൻ പറഞ്ഞു.
മുന് സര്ക്കാരിന്റെ കാലയളവില് 904 പദ്ധതികള്ക്കായി 2021 മെയ് വരെ 65,363 കോടി 11 ലക്ഷം രൂപയാണ് കിഫ്ബി മുഖാന്തരം അനുമതി നല്കിയിട്ടുള്ളത്. അതിൽ ഏകദേശം ഏഴായിരം കോടി രൂപയുടെ പദ്ധതി പൂര്ത്തിയാക്കിയിട്ടുണ്ടെന്നും മുഖ്യമന്ത്രി പ്രതികരിച്ചു.
പ്രതികരിക്കാൻ ഇവിടെ എഴുതുക