കോതമംഗലം: കോതമംഗലത്ത് കര്ഷകന്റെ വാഴകള് കെഎസ്ഇബി ഉദ്യോഗസ്ഥര് വെട്ടിമാറ്റിയ സംഭവത്തില് മൂന്നര ലക്ഷം രൂപ ധനസഹായം നല്കാന് സർക്കാർ തീരുമാനം. വൈദ്യുതി, കൃഷി മന്ത്രിമാരും വകുപ്പ് ഉദ്യോഗസ്ഥരും പങ്കെടുത്ത യോഗത്തിലാണ് തീരുമാനം. ചിങ്ങം ഒന്നിന് തുക കര്ഷകനു കൈമാറും. ഇതിനിടെ, വാഴകള് വെട്ടിമാറ്റിയ സംഭവത്തില് മനുഷ്യാവകാശ കമ്മിഷന് സ്വമേധയാ കേസെടുത്തു.
ഓഗസ്റ്റ് നാലിനാണ് കോതമംഗലം വാരപ്പെട്ടിയില് കര്ഷനായ തോമസിന്റെ വാഴ കെ.എസ്.ഇ.ബി ഉദ്യോഗസ്ഥര് വെട്ടിമാറ്റിയത്. 220 കെ വി വൈദ്യുതി ലൈന് തകരാറിലാകാന് കാരണം വാഴകള്ക്ക് തീ പിടിച്ചതാണെന്ന് നിഗമനത്തിലായിരുന്നു കെ.എസ്.ഇ.ബിയുടെ നടപടി. തുടര്ന്ന് ശക്തമായ പ്രതിഷേധം ഉയര്ന്നതോടെ ഇതേക്കുറിച്ച് അന്വേഷിക്കാന് പ്രസരണ വിഭാഗം ഡയറക്ടറെ ചുമതലപ്പെടുത്തി.
പ്രതികരിക്കാൻ ഇവിടെ എഴുതുക