ഭോപ്പാൽ: മധ്യപ്രദേശിലെ കുനോ നാഷണൽ പാർക്കിൽ നിന്ന് കാണാതായ ദക്ഷിണാഫ്രിക്കൻ പെൺ ചീറ്റയെ കണ്ടെത്തി. ജൂലൈ 21 ന് റേഡിയോ കോളർ പ്രവർത്തനരഹിതമായതിനെ തുടർന്നാണ് ചീറ്റക്കായി അന്വേഷണം തുടങ്ങിയത്.
22 ദിവസത്തെ തിരച്ചിലിനൊടുവിൽ ഇന്ന് രാവിലെ 10 മണിയോടെയാണ് ‘നിർവ’ എന്ന ചീറ്റയെ പിടികൂടിയത്. ചീറ്റയെ ആരോഗ്യപരിശോധനക്ക് വിധേയയാക്കി.
ഓഫീസർമാർ, മൃഗഡോക്ടർമാർ, ചീറ്റ ട്രാക്കർമാർ എന്നിവരുൾപ്പെടെ 100-ലധികം ഫീൽഡ് സ്റ്റാഫുകൾ രാവും പകലും ഈ ചീറ്റക്കായി തെരച്ചിൽ നടത്തുകയായിരുന്നു. ഗ്രൗണ്ടിലുള്ള ടീമിന് പുറമെ രണ്ട് ഡ്രോൺ ടീമും ഒരു ഡോഗ് സ്ക്വാഡും ആനകളും തെരച്ചിൽ ടീമിലുണ്ടായിരുന്നു.
പ്രതികരിക്കാൻ ഇവിടെ എഴുതുക