സംസ്ഥാനത്ത് സൗജന്യ ഓണക്കിറ്റ് വിതരണം 28ന് മുമ്പ് പൂര്ത്തിയാക്കുമെന്ന് വ്യക്തമാക്കി ഭക്ഷ്യ മന്ത്രി ജി.ആര് അനില്. 23 മുതലാണ് കിറ്റ് വിതരണം ആരംഭിക്കുക. ഓണച്ചന്തയ്ക്കുള്ള സാധനങ്ങള്ക്കൊപ്പം കിറ്റിനുള്ള സാധനങ്ങളും എത്തും എന്നാണ് പുറത്തു വരുന്ന റിപ്പോർട്ട്.
എന്നാൽ മൂന്ന് ഉത്പന്നങ്ങളുടെ കാര്യത്തില് പ്രതിസന്ധിയുണ്ട്. 13 സബ്സിഡി ഉല്പ്പന്നങ്ങള് എല്ലാ ജില്ലകളിലും ഉണ്ടാകും. അതേസമയം സബ്സിഡി അല്ലാത്ത ഉത്പന്നങ്ങള്ക്ക് ഒരു ക്ഷാമവും ഉണ്ടായിട്ടില്ലെന്നും മന്ത്രി ജി ആര് അനില് പ്രതികരിച്ചു.
ഇത്തവണ മഞ്ഞ റേഷന് കാര്ഡ് ഉടമകള്ക്ക് മാത്രമാണ് ഓണക്കിറ്റ് നല്കുന്നത്. 5.84 ലക്ഷം പേര്ക്ക് ഓണക്കിറ്റ് ലഭിക്കും എന്നാണ് കണക്കുകൾ. അഗതി മന്ദിരങ്ങള്ക്കും അനാഥാലയങ്ങള്ക്കും ഓണക്കിറ്റ് നല്കും. കിറ്റില് ഉള്പ്പെടുത്തേണ്ടവ സംബന്ധിച്ച് പ്രത്യേക യോഗം ചേര്ന്ന് തീരുമാനമെടുക്കും.
പ്രതികരിക്കാൻ ഇവിടെ എഴുതുക