കോതമംഗലത്ത് കര്ഷകന്റെ വാഴ വെട്ടിയ സംഭവത്തിൽ നഷ്ടപരിഹാരത്തുക കൈമാറി. കെഎസ്ഇബി ഉദ്യോഗസ്ഥര് വാഴ വെട്ടിനശിപ്പിച്ച സംഭവത്തില് ആണ് കര്ഷകനായ തോമസിന് മൂന്നര ലക്ഷം രൂപ നഷ്ടപരിഹാരത്തുക നൽകിയത്. കോതമംഗലം എംഎല്എ ആന്റണി ജോണ് ആണ് തുക കൈമാറിയത്.
കര്ഷകന് നഷ്ടപരിഹാരത്തുക നല്കാന് വൈദ്യുത-കൃഷി മന്ത്രിമാര് നടത്തിയ ചര്ച്ചയിൽ തീരുമാനം ആയിരുന്നു. വാരപ്പെട്ടി ഇളങ്ങവം കണ്ടംപാറ ഇറിഗേഷന് സമീപം കാവുംപുറത്ത് തോമസിന്റെ കൃഷിസ്ഥലത്തെ നാനൂറിലധികം വാഴകളാണ് കെഎസ്ഇബി ജീവനക്കാര് വെട്ടിയത്.
ഓണവിപണി ലക്ഷ്യമിട്ട് നട്ടതായിരുന്നു വാഴകള്. ഓഗസ്റ്റ് നാലിനാണ് തോമസിന്റെ വാഴ കെഎസ്ഇബി ഉദ്യോഗസ്ഥര് വെട്ടിമാറ്റിയത്. 220 കെ വി വൈദ്യുതി ലൈന് തകരാറിലാകാന് കാരണം വാഴകള്ക്ക് തീ പിടിച്ചതാണെന്ന് നിഗമനത്തിലായിരുന്നു കെഎസ്ഇബിയുടെ നടപടി.
എന്നാൽ കെഎസ്ഇബി യുടെ നടപടിയെ തുടര്ന്ന് ശക്തമായ പ്രതിഷേധമാണുണ്ടായത്. സംഭവത്തില് മനുഷ്യാവകാശ കമ്മിഷന് സ്വമേധയാ കേസെടുക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക