സംസ്ഥാനത്ത് സര്ക്കാര്വാഹനങ്ങളില് എല്.ഇ.ഡി. വിളക്കുകള്കൊണ്ടുള്ള അലങ്കാരങ്ങള്ക്ക് ഇനി 5000 രൂപ പിഴ. അനധികൃതമായ ഓരോ ലൈറ്റിനും പ്രത്യേകം പിഴയീടാക്കാനാണ് തീരുമാനം. മന്ത്രിമാരുടേത് ഉള്പ്പെടെയുള്ള വാഹനങ്ങൾക്ക് ഇത് ബാധകമാണ്.
ഹൈക്കോടതിനിര്ദേശത്തെത്തുടര്ന്നാണ് സര്ക്കാര് ഉത്തരവ്.
നിര്മാണവേളയിലുള്ളതില് കൂടുതല് വിളക്കുകള് ഘടിപ്പിക്കുന്നത് നിയമവിരുദ്ധമാകും. നിയോണ് നാടകള്, ഫ്ളാഷ് ലൈറ്റുകള്, മള്ട്ടികളര് എല്.ഇ.ഡി. എന്നിവയുടെയെല്ലാം ഉപയോഗം നിരോധിച്ചു.
മന്ത്രിവാഹനങ്ങള്ക്കുമുകളില് ബീക്കണ്ലൈറ്റ് ഉപയോഗിക്കുന്നതിന് അനുമതിനിഷേധിച്ച സാഹചര്യത്തിലാണ് ബമ്പര് ഗ്രില്ലില് എല്.ഇ.ഡി. ഫ്ളാഷുകള് ഉപയോഗിച്ചുതുടങ്ങിയത്. മഞ്ഞുള്ള പ്രദേശങ്ങളില് ഉപയോഗിക്കുന്ന വാഹനങ്ങള്ക്ക് അധിക ഫോഗ് ലാമ്പ് ഘടിപ്പിക്കുന്നതിന് ആര്.ടി.ഒ.മാരില്നിന്ന് പ്രത്യേക അനുമതി ലഭിക്കും.
എതിരേവരുന്ന വാഹനങ്ങളിലേക്ക് വെളിച്ചംവീഴാത്ത വിധത്തില് താഴ്ത്തിയാണ് ഇവ ഘടിപ്പിക്കുക. ഇതിന്റെ വിശദാംശങ്ങള് രജിസ്ട്രേഷന് രേഖകളില് ഉള്ക്കൊള്ളിക്കും. നിയമവിരുദ്ധമായി എല്ഇഡി ഫ്ളാഷ് ലൈറ്റുകള് ഘടിപ്പിച്ച് സഞ്ചരിക്കുന്ന എല്ലാ സര്ക്കാര് വാഹനങ്ങള്ക്കെതിരെയും കര്ശന നടപടി സ്വീകരിക്കണമെന്ന് ഹൈക്കോടതി ഡിവിഷന് ബെഞ്ച് നിര്ദേശിച്ചിരുന്നു.
പ്രതികരിക്കാൻ ഇവിടെ എഴുതുക