കൊച്ചി: വീട്ടിലെ പാചകവാതക സിലിണ്ടര് പൊട്ടിത്തെറിച്ച് വീട്ടുപകരണങ്ങള് കത്തിനശിച്ചു. ആലുവ കാരോത്തുകുഴിയില് ഇന്ന് രാവിലെ ആറുമണിക്കാണ് സംഭവം. അപകടം മനസിലാക്കി വീട്ടില് നിന്ന് ഉടന് തന്നെ പുറത്തേയ്ക്ക് ഇറങ്ങിയതിനാല് വീട്ടിലുള്ളവര് അത്ഭുതകരമായി രക്ഷപ്പെട്ടു.
വാടകയ്ക്ക് താമസിക്കുന്ന റോബിനും കുടുംബവുമാണ് രക്ഷപ്പെട്ടത്. ഗ്യാസ് തീര്ന്നതിനെ തുടര്ന്ന് പുതിയ ഗ്യാസ് സിലിണ്ടര് കണക്ട് ചെയ്തിരുന്നു. പാചകം തുടങ്ങിയപ്പോള് അഗ്നിബാധയുണ്ടായി. വീട്ടിലുള്ള ബ്ലാങ്കറ്റ് ഉപയോഗിച്ച് സിലിണ്ടര് മൂടാന് ശ്രമിചെങ്കിലും പരാജയപ്പെട്ടതോടെ വീട്ടില് നിന്ന് എല്ലാവരും ഉടന് തന്നെ പുറത്തേയ്ക്ക് ഇറങ്ങി. ഇതിന് പിന്നാലെ സിലിണ്ടര് പൊട്ടിത്തെറിക്കുകയായിരുന്നു. റോബിനും ഭാര്യയും ഒരു മകളുമാണ് വീട്ടിലുണ്ടായിരുന്നത്. വീട്ടുപകരണങ്ങള് എല്ലാം കത്തി നശിച്ചു.
പ്രതികരിക്കാൻ ഇവിടെ എഴുതുക