തിരുവനന്തപുരം: തിരുവനന്തപുരത്ത് നവവധു വീടിനുള്ളില് മരിച്ച നിലയില്. അരുവിക്കരയില് മുളിലവിന്മൂട് സ്വദേശി അക്ഷയ് രാജിന്റെ ഭാര്യ രേഷ്മ (23) ആണ് മരിച്ചത്. കിടപ്പുമുറിയിലെ ഫാനില് തൂങ്ങി മരിച്ച നിലയിലാണ് മൃതദേഹം കണ്ടെത്തിയത്.
ആറ്റിങ്ങല് പൊയ്കമുക്ക് സ്വദേശിനിയാണ് രേഷ്മ. ജൂണ് 12 നായിരുന്നു രേഷ്മയും അക്ഷയുമായുള്ള വിവാഹം നടന്നത്. അക്ഷയ് രാജ് മറ്റൊരു സ്ത്രീയെ ഫോണിൽ വിളിച്ച് സംസാരിക്കുന്നെന്ന സംശയം രേഷ്മയ്ക്ക് ഉണ്ടായിരുന്നു. ഇതിന്റെ മനോവിഷമമാണ് ആത്മഹത്യയ്ക്ക് കാരണമെന്ന് പറയുന്നു.
ഭര്ത്താവ് അക്ഷയ് രാജ് സംഭവസമയത്ത് വീട്ടില് ഉണ്ടായിരുന്നില്ലെന്നാണ് ബന്ധുക്കള് പറയുന്നത്. സംഭവത്തില് ബന്ധുക്കൾ ഇതുവരെ പൊലീസിൽ പരാതി നൽകിയിട്ടില്ല. മൃതദേഹം പോസ്റ്റ് മോര്ട്ടത്തിന് ശേഷം ബന്ധുക്കള്ക്ക് നല്കും. അരുവിക്കര പൊലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക