കോഴിക്കോട്: കാപ്പാട് ബീച്ചിൽ സവാരി നടത്തുന്ന കുതിരയ്ക്ക് പേവിഷബാധയേറ്റതായി സംശയം. ഒരു മാസം മുന്പ് കുതിരയ്ക്ക് നായയുടെ കടിയേറ്റിരുന്നു. രണ്ട് ദിവസം മുന്പ് കുതിരയെ അവശനിലയില് കണ്ടെത്തുകയയായിരുന്നു. കുതിരയ്ക്ക് പേ വിഷബാധയ്ക്ക് സമാനമായ ലക്ഷണങ്ങള് കണ്ടതിനാല് കുതിരപ്പുറത്ത് സവാരി നടത്തിയവര് ശ്രദ്ധിക്കണമെന്ന് നിര്ദേശം നല്കിയിട്ടുണ്ട്.
കഴിഞ്ഞ ഒന്നര വര്ഷമായി കാപ്പാട് കടപ്പുറത്ത് ഈ കുതിര സവാരി നടത്തുന്നുണ്ട്. കുതിരയിൽ പേവിഷബാധയുടെ ലക്ഷണങ്ങൾ കണ്ടതോടെ ഡോക്ടർമാർ കുതിരയെ പരിശോധിച്ചിരുന്നു. നിലവിൽ ഭക്ഷണം കഴിക്കാനോ വെള്ളം കുടിക്കാനോ കഴിയാത്ത അവസ്ഥയിലാണ് കുതിര. കുതിരയുടെ ശ്രവവും പരിശോധനയ്ക്ക് അയച്ചിട്ടുണ്ട്. ഇതിന്റെ ഫലം വന്നതിനു ശേഷമേ പേ വിഷബാധ സ്ഥിരീകരിക്കാനാവൂ. കുതിരയുടെ ഉടമയ്ക്ക് പട്ടിയുടെ കടിയേറ്റതായാണ് നാട്ടുകാർ പറയുന്നത്.
സവാരി നടത്തിയവര് തൊട്ടടുത്ത ആരോഗ്യകേന്ദ്രത്തിലെത്തി പ്രതിരോധ മാര്ഗങ്ങള് സ്വീകരിക്കണമെന്ന് ഡോക്ടര്മാര് അറിയിച്ചിട്ടുണ്ട്. ഓണത്തിന് ബീച്ചില് എത്തിയ നിരവധിപേരാണ് ഈ കുതിരയില് സവാരി നടത്തിയത്.
പ്രതികരിക്കാൻ ഇവിടെ എഴുതുക