തിരുവനന്തപുരം: സംസ്ഥാനത്ത് പുതുതായി നിപ കേസുകള് റിപ്പോര്ട്ട് ചെയ്യുന്നില്ലെങ്കിലും ജില്ലകള് ജാഗ്രത തുടരണമെന്ന് ആരോഗ്യ മന്ത്രി വീണാ ജോര്ജ്. സ്ഥിതിഗതികള് നിയന്ത്രണ വിധേയമാണെങ്കിലും പ്രോട്ടോകോള് പ്രകാരമുള്ള നടപടി സ്വീകരിക്കണമെന്നും സമ്പര്ക്കപ്പട്ടികയിലുള്ളവര് സമ്പര്ക്ക ദിവസം മുതല് 21 ദിവസം ഐസൊലേഷനില് കഴിയേണ്ടതാണെന്നും മന്ത്രി പറഞ്ഞു.
കോഴിക്കോട്, തൃശൂര്, മലപ്പുറം, വയനാട്, പാലക്കാട്, കണ്ണൂര് ജില്ലാ മെഡിക്കല് ഓഫീസര്മാരുടെ യോഗത്തില് സംസാരിക്കുകയായിരുന്നു മന്ത്രി.
ഓരോ ജില്ലയിലേയും ഐസൊലേഷന്, ചികിത്സാ സംവിധാനങ്ങള് എന്നിവ യോഗം വിലയിരുത്തി. കോഴിക്കോടിന് പുറമേ മറ്റ് ജില്ലകളും ജാഗ്രതയോടെ പ്രവര്ത്തിക്കുകയാണ്. 45 പേര് മറ്റുജില്ലകളിലായി ക്വാറന്റൈനില് കഴിയുന്നുണ്ട്. ജില്ലകളില് ഫീവര് സര്വെയലന്സ്, എക്സപേര്ട്ട് കമ്മിറ്റി മീറ്റിഗ് എന്നിവ നടത്തി പ്രതിരോധ പ്രവര്ത്തനങ്ങള് ശക്തമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക