സംസ്ഥാനത്ത് നിപ പ്രതിരോധത്തിന്റെ ഭാഗമായി ഐസൊലേഷനിലുള്ളവര് 21 ദിവസം നിര്ബന്ധമായും അത് തുടരണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഐസൊലേഷന് മാര്ഗനിര്ദേശങ്ങള് ലംഘിച്ചാല് പൊലീസ് നടപടി സ്വീകരിക്കുന്നതാണ്. ഒക്ടോബര് 26 വരെ കോഴിക്കോട് ജില്ലയില് ജാഗ്രത തുടരണം. മാസ്ക് നിര്ബന്ധമായി ധരിക്കണം.
നിപ നിയന്ത്രണവുമായി ബന്ധപ്പെട്ടുള്ള തുടര് പ്രവര്ത്തനങ്ങളെ സംബന്ധിച്ച് അവലോകന യോഗം ചര്ച്ച ചെയ്തു.പരിശോധനയ്ക്കയച്ച 5 പരിശോധനാ ഫലങ്ങള് കൂടി ഇന്ന് നെഗറ്റീവായി. ആകെ 383 പേരുടെ സാമ്പിളുകളാണ് ഇതുവരെ പരിശോധിച്ചത്.
ഇന്ന് പുതിയ പോസിറ്റീവ് കേസുകള് ഇല്ല. ഐസൊലേഷന് കാലാവധി കഴിഞ്ഞ 40 പേരെ സമ്പര്ക്കപ്പട്ടികയില് നിന്നും ഒഴിവാക്കി. ഇപ്പോള് സമ്പര്ക്കപ്പട്ടികയില് ഐസൊലേഷനിലുള്ളത് 875 പേരാണ്. നിപ പോസിറ്റീവായി ആശുപത്രികളില് ചികിത്സയിലുള്ളവരുടെ ആരോഗ്യനില തൃപ്തികരമാണ്.
പ്രതികരിക്കാൻ ഇവിടെ എഴുതുക