നമ്മളിൽ ഭൂരിഭാഗം പേരും ജീവിതത്തിന്റെ വലിയ ഭാഗം ഓഫീസുകളിലും കമ്പ്യൂട്ടറിനു മുന്നിലും സമയം ചെലവഴിക്കുന്നവരാണ്. അതുകൊണ്ട് തന്നെ നടത്തമോ മറ്റു അധ്വാനങ്ങളോ ചെയ്യാൻ നമ്മുക്ക് സമയം കിട്ടാറില്ല.
ദിവസം എട്ട് മണിക്കൂറിലധികം നിശ്ചലമായി ഇരിക്കുന്നവര്ക്ക് അമിതവണ്ണമോ പുകവലിയോ മൂലമുള്ള മരണസാധ്യതയ്ക്ക് സമാനമായ അകാല മരണസാധ്യതയുണ്ടെന്നാണ് പുതിയ പഠനങ്ങൾ വെളിപ്പെടുത്തുന്നത്.
ദീര്ഘനേരത്തെ ഇരിപ്പ് ഉയര്ന്ന രക്തസമ്മര്ദം, അമിതവണ്ണം, രക്തത്തില് അമിതമായ പഞ്ചസാര, അമിതമായ കൊഴുപ്പ്, അപകടകരമായ തോതിലെ കൊളസ്ട്രോള് എന്നിവയ്ക്ക് കാരണമാകുന്നു. എന്നാല് ദീര്ഘനേരമുള്ള ഇരിപ്പ് സൃഷ്ടിക്കുന്ന പ്രശ്നങ്ങളെ പ്രതിരോധിക്കാന് ദിവസവും 60 മുതല് 75 മിനിറ്റു വരെ വ്യായാമത്തില് ഏര്പ്പെടുന്നത് സഹായിക്കുമെന്നാണ് പുതിയ പഠനങ്ങൾ പറയുന്നത്.
ഇത് മാത്രവുമല്ല ദീര്ഘനേരത്തെ ഇരിപ്പ് ഹൃദ്രോഗത്തിന്റെയും അര്ബുദത്തിന്റെയും സാധ്യതയും വർദ്ധിപ്പിക്കും. അതിനാല് ഇരുന്ന് ജോലി ചെയ്യേണ്ടി വരുന്നവര് അര മണിക്കൂര് കൂടുമ്പോഴെങ്കിലും എഴുന്നേല്ക്കാനും നടക്കാനുമൊക്കെ ശ്രമിക്കേണ്ടതാണ് എന്നാണ് പഠനങ്ങൾ പറയുന്നത്.
പ്രതികരിക്കാൻ ഇവിടെ എഴുതുക