തിരുവനന്തപുരം: ആരോഗ്യമന്ത്രിയുടെ ഓഫീസുമായി ബന്ധപ്പെട്ട നിയമന തട്ടിപ്പ് കേസിൽ ആദ്യത്തെ അറസ്റ്റ് രേഖപ്പെടുത്തി. കോഴിക്കോട് സ്വദേശിയായ അഭിഭാഷകൻ റയീസാണ് അറസ്റ്റിലായത്. ആയുഷ് മിഷന്റെ പേരില് വ്യാജ ഇ-മെയില് ഉണ്ടാക്കിയത് റയീസാണെന്ന് അന്വേഷണത്തിൽ കണ്ടെത്തി. മണിക്കൂറുകള് നീണ്ട ചോദ്യം ചെയ്യലിനൊടുവിലാണ് അറസ്റ്റ് ചെയ്തത്.
കേസിൽ പ്രതിചേർക്കപ്പെട്ട അഖിൽ സജീവിന്റെയും ലെനിൻ രാജിന്റെയും അടുത്ത സുഹൃത്താണ് റയീസ്. പരാതിക്കാരനായ ഹരിദാസന്റെ മരുമകള്ക്ക് ലഭിച്ച പോസ്റ്റിങ് ഓര്ഡര് വന്നത് ഒരു വ്യാജ ഇ-മെയില് ഐ.ഡി.യില് നിന്നാണെന്ന് പോലീസ് അന്വേഷണത്തിൽ കണ്ടെത്തിയിരുന്നു. ഈ വ്യാജ ഇ-മെയില് നിർമിച്ചത് റയീസാണെന്നാണ് പോലീസ് നിഗമനം.
പ്രതികരിക്കാൻ ഇവിടെ എഴുതുക