അപ്രതീക്ഷിത ഹമാസ് ആക്രമണം തുടരുന്ന ഇസ്രയേലില് കേരളത്തില് നിന്നുള്ള സംഘം കുടുങ്ങിയതായി റിപ്പോർട്ട്. ഈ മാസം മൂന്നിന് കൊച്ചിയില് നിന്ന് പുറപ്പെട്ട 40 അംഗ മലയാളി തീര്ത്ഥാടക സംഘമാണ് ഇസ്രയേലില് കുടുങ്ങിയത്.
ഈജിപ്തിലേക്കുള്ള ഇവരുടെ യാത്ര ഇസ്രേയേലില് എത്തിയപ്പോള് ഹമാസ് ആക്രമണമുണ്ടാകുകയും ഇവര് തിരികെ വരാനാകാതെ കുടുങ്ങിപ്പോകുകയുമായിരുന്നു എന്നാണ് പുറത്തു വരുന്ന വിവരം. നിലവില് ബത്ലഹേമിലെ പാരഡൈസ് ഹോട്ടലിലാണ് ഇവരുള്ളത്.
അതേസമയം ഇസ്രയേല്- ഹമാസ് സംഘര്ഷം പശ്ചിമേഷ്യയെ ഉലയ്ക്കുമ്പോള് ഇസ്രയേലില് കുടുങ്ങിയ ഇന്ത്യക്കാരുടെ കാര്യത്തില് വിദേശകാര്യ മന്ത്രാലയം അതീവജാഗ്രത തുടരുകയാണ്. അനാവശ്യ യാത്രകള് ഒഴിവാക്കണമെന്നും സുരക്ഷിത സ്ഥാനങ്ങളില് തുടരണമെന്നും പൗരന്മാര്ക്ക് ഇന്ത്യ നിര്ദേശം നല്കി.
പ്രതികരിക്കാൻ ഇവിടെ എഴുതുക