ടെല്അവീവ്: പശ്ചിമേഷ്യന് സംഘര്ഷം രൂക്ഷമാകുന്നു. ഗാസയില് 400 പലസ്തീനികള് കൊല്ലപ്പെട്ടതായാണ് റിപ്പോര്ട്ട്. ഹമാസിന്റെ ആക്രമണത്തില് 350 ഓളം ഇസ്രായേലികൾ കൊല്ലപ്പെട്ടതായും റിപ്പോര്ട്ടുകളുണ്ട്. ഇതിനിടെ ഹമാസുമായുള്ള പോരാട്ടത്തില് കൊല്ലപ്പെട്ട 18 സൈനികരുടെ പട്ടിക പുറത്ത് വിട്ടു. പരിക്കേറ്റവരുടെ എണ്ണം 2000 പിന്നിട്ടെന്നും ഇസ്രായേൽ അറിയിച്ചു.
ഇസ്രയേലിന്റെ തെക്കന് മേഖലകളില് ഇപ്പോഴും ഹമാസുമായുള്ള ഏറ്റുമുട്ടല് തുടരുകയാണ്. നിരവധി ഗ്രാമങ്ങള് ഹമാസ് നിയന്ത്രണത്തിലാക്കിയെന്നും ഇവിടെയുള്ള കമാന്ഡര്മാര്ക്ക് വീണ്ടും ആയുധം എത്തിച്ചുനല്കിയതായും അല് ജസീറ റിപ്പോര്ട്ട് ചെയ്തു. എന്നാല്, ഹമാസ് പിടിച്ചെടുത്ത പ്രദേശങ്ങളില് നിന്ന് ഇവരെ തുരത്തിയെന്നാണ് ഇസ്രയേല് അവകാശപ്പെടുന്നത്.
പ്രതികരിക്കാൻ ഇവിടെ എഴുതുക