ഡല്ഹി: വന്ദേ ഭാരത് കടന്ന് പോകുമ്പോള് മറ്റു എക്സ്പ്രസ് ട്രെയിനുകളിലെ യാത്രക്കാര്ക്ക് ഉണ്ടാക്കുന്ന ബുദ്ധിമുട്ടുകള്ക്ക് പരിഹാരം കാണണമെന്ന് ആവശ്യപ്പെട്ട് എംപി റെയില്വെ മന്ത്രി അശ്വനി വൈഷ്ണവിന് എഐസിസി ജനറല് സെക്രട്ടറി കെസി വേണുഗോപാല് കത്ത് നല്കി.
വന്ദേ ഭാരത് കടന്ന് പോകാന് മറ്റു ട്രെയിനുകള് 20 മുതല് 40 മിനിറ്റുവരെ പിടിച്ചിടുന്നത് പതിവ് രീതിയാണെന്നും അതുകാരണം എക്സ്പ്രസ് ട്രെയിനുകള് ലക്ഷ്യസ്ഥാനത്ത് നിശ്ചിത സമയത്തില് നിന്നും മണിക്കൂറുകള് വൈകിയാണ് എത്തുന്നതെന്നും വേണുഗോപാല് ചൂണ്ടിക്കാട്ടി. ഇത് സ്ഥിരം യാത്രക്കാര്ക്ക് വലിയ ബുദ്ധിമുട്ടുകൾ ഉണ്ടാക്കുകയാണെന്നും സര്ക്കാര് ഓഫീസിലും സ്വകാര്യ സ്ഥാപനങ്ങളിലും മറ്റും ജോലിക്കു പോകുന്നവരെയും വിദ്യാര്ത്ഥികളെയും നിലവില് ഇത് കാര്യമായി തന്നെ ബാധിക്കുന്നുണ്ടെന്നും അദ്ദേഹം കത്തിൽ വ്യക്തമാക്കി.
പ്രതികരിക്കാൻ ഇവിടെ എഴുതുക