ടെല്അവീവ്: ഗാസയില് ഇസ്രയേല് ആക്രമണം തുടര്ന്നാല് കാഴ്ച്ചക്കാരാവില്ലെന്ന് ഇറാന്. പ്രസിഡന്റ് ഇബ്രാഹിം റെയ്സിയാണ് ഇക്കാര്യം പറഞ്ഞത്. നാസികള് ചെയ്തത് ഇപ്പോള് ഇസ്രയേല് ആവര്ത്തിക്കുന്നുവെന്നും അദ്ദേഹം പറഞ്ഞു. ഗാസയില് ഇസ്രയേല് ആക്രമണം തുടരുന്നതിനിടെയാണ് ഇറാന്റെ ഇടപെടലുണ്ടായിരിക്കുന്നത്.
ഗാസയിലെ കൂട്ടക്കുരുതി അവസാനിപ്പിക്കാന് ചൈന ഇടപെടണമെന്ന് ഇറാന് വിദേശകാര്യ മന്ത്രി പറഞ്ഞു. അതേസമയം, 48 മണിക്കൂറിനിടെ വടക്കന് ഗാസയില് നിന്ന് നാല് ലക്ഷത്തോളം പേരാണ് ഒഴിഞ്ഞു പോയത്. കൂട്ടപലായാനമാണ് നടക്കുന്നത്. ഇന്ധനക്ഷാമം രൂക്ഷമായതോടെ ആശുപത്രികളടക്കം കടുത്ത പ്രതിസന്ധിയിലാണ്. പലസ്തീനില് നിന്ന് വിദേശികളെ ഉള്പ്പെടെ ഒഴിപ്പിക്കാന് ഈജിപ്ത് റാഫാ ഗേറ്റ് ഇന്ന് തുറക്കും. ഗാസയില് കടന്ന് സൈനിക നടപടി ഉടനുണ്ടാകുമെന്നും, വടക്കന് ഗാസയില് നിന്നും ജനങ്ങള് പിന്മാറണമെന്നും ഇസ്രയേല് ആവര്ത്തിച്ചു.
126 സെനികരെ ഹമാസ് ബന്ദികളാക്കിയെന്ന് സ്ഥിരീകരിച്ച് ഇസ്രയേല് രംഗത്തെത്തുകയുണ്ടായി. അതിര്ത്തി കടന്ന് ഇസ്രയേലിലെത്തിയ ഹമാസ് സായുധ സംഘം ബന്ധികളാക്കിയതില് 126 സൈനികരുണ്ടെന്നാണ് ഇസ്രയേല് വ്യക്തമാക്കിയത്. ബന്ധികളാക്കിയ പൗരന്മാരുടെ എണ്ണമോ മറ്റ് വിവരങ്ങളോ സ്ഥിരീകരിക്കാന് ഇസ്രയേലിനായിട്ടില്ല. ഇവരെ ഗാസയിലെ ഭൂഗര്ഭ അറകളിലേക്ക് മാറ്റിയിരിക്കാമെന്നാണ് ഇസ്രയേല് കരുതുന്നത്.
പ്രതികരിക്കാൻ ഇവിടെ എഴുതുക