ടെല് അവീവ്: ഇസ്രയേല്-ഹമാസ് സംഘര്ഷം ശക്തമാകുന്നതിനിടെ വെടിനിര്ത്തലിന് തയ്യാറല്ലെന്ന് ഇസ്രയേലും ഹമാസും. ഗാസയില് നിന്ന് നൂറുകണക്കിന് പേര്ക്ക് ഈജിപ്റ്റിലേക്ക് കടക്കുന്നതിന് സഹായകരമാകും വിധം വെടിനിര്ത്തലിന് സമ്മതിച്ചുവെന്ന തരത്തില് പ്രചരിക്കുന്ന അഭ്യൂഹങ്ങള് തള്ളിയിരിക്കുകയാണ് ഇസ്രയേല്. വെടിനിര്ത്തലിന് സമ്മതിച്ചുവെന്ന തരത്തിലുള്ള റിപ്പോര്ട്ടുകള് പ്രധാനമന്ത്രി ബെഞ്ചമിന് നെതന്യാഹുവിന്റെ ഓഫീസ് നിഷേധിച്ചതായി എ.എഫ്.പി റിപ്പോര്ട്ട് ചെയ്തു.
വെടിനിര്ത്തലിന് തയ്യാറല്ലെന്ന് ഹമാസും വ്യക്തമാക്കിയതായാണ് പുറത്തുവരുന്ന റിപ്പോര്ട്ടുകള്. ഗാസയില് ഇസ്രായേല് വ്യോമാക്രമണത്തില് തകര്ന്ന കെട്ടിടാവശിഷ്ടങ്ങള്ക്കിടയില് ആയിരത്തിലധികം പലസ്തീനികള് കുടുങ്ങിക്കിടക്കുന്നതായി ഹമാസ് ആഭ്യന്തര മന്ത്രാലയം വ്യക്തമാക്കി. അതേസമയം, ഹമാസ് ഇതുവരെ ബന്ദികളാക്കിയത് 199 പേരെയാണെന്ന് ഇസ്രയേല് സൈന്യം അറിയിച്ചു. ബന്ദികളാക്കിയവരുടെ കുടുംബങ്ങളുമായി അധികാരികള് ബന്ധപ്പെട്ടിരുന്നുവെന്നും അദ്ദേഹം അറിയിച്ചു. ലെബനന് അതിര്ത്തിയില് സംഘര്ഷം തുടരുന്ന സാഹചര്യത്തില് ബെയ്റൂട്ടിലേക്ക് ആവശ്യമായ മെഡിക്കല് സാമഗ്രികള് അയച്ചതായി ലോകാരോഗ്യ സംഘടന അറിയിച്ചു.
പ്രതികരിക്കാൻ ഇവിടെ എഴുതുക