ബിലാസ്പൂര്: ഛത്തീസ്ഗഢില് നിയമസഭാ തെരഞ്ഞെടുപ്പിലേക്കുള്ള രണ്ടാം ഘട്ട സ്ഥാനാര്ഥി പട്ടിക പുറത്തിറക്കി കോണ്ഗ്രസ്. 53 മണ്ഡലങ്ങളിലെ സ്ഥാനാര്ത്ഥികളെയാണ് കോണ്ഗ്രസ് പ്രഖ്യാപിച്ചത്. ഛത്തീസ്ഗഡില് 30 സീറ്റുകളിലേക്കുള്ള സ്ഥാനാര്ഥികളെയാണ് കഴിഞ്ഞ ദിവസം കോണ്ഗ്രസ് പ്രഖ്യാപിച്ചത്. ആകെ 90 മണ്ഡലങ്ങളാണ് ഛത്തീസ്ഗഢിലുള്ളത്. ഇന്ന് 53 മണ്ഡലങ്ങളിലേക്കുള്ള സ്ഥാനാര്ഥികളെ കൂടി പ്രഖ്യാപിച്ചതോടെ ആകെ 83 മണ്ഡലങ്ങളിലേക്ക് കോണ്ഗ്രസ് സ്ഥാനാര്ഥികളെ നിശ്ചയിച്ചു.
ഇനി ഏഴു സീറ്റുകളിലേക്ക് കൂടിയാണ് ഇനി കോണ്ഗ്രസിന്റെ സ്ഥാനാര്ഥികളെ പ്രഖ്യാപിക്കാനുള്ളത്. ഛത്തീസ്ഗഡ് മുഖ്യമന്ത്രി ഭൂപേഷ് ഭാഗേല് പഠാനില് നിന്നും ഛത്തീസ്ഗഡ് ഉപമുഖ്യമന്ത്രി ടി.എസ് സിങ് ദേവ് അംബികാപുരില് നിന്നും മത്സരിക്കും. ഛത്തീസ്ഗഡിന് പുറമെ മധ്യപ്രദേശില് 144 സീറ്റുകളിലും തെലങ്കാനയില് 55 സീറ്റുകളിലും കഴിഞ്ഞ ദിവസം കോണ്ഗ്രസ് സ്ഥാനാര്ഥികളെ പ്രഖ്യാപിച്ചിരുന്നു. അവശേഷിക്കുന്ന സീറ്റുകളിലും വൈകാതെ സ്ഥാനാര്ഥികളെ പ്രഖ്യാപിക്കുമെന്നാണ് നേതാക്കള് വ്യക്തമാക്കുന്നത്.
പ്രതികരിക്കാൻ ഇവിടെ എഴുതുക