ടെല് അവിവ്: ഗാസയിലേക്ക് അവശ്യ വസ്തുക്കള് എത്തിക്കാന് റഫാ അതിർത്തി ഇന്ന് തുറക്കും. പ്രതിദിനം 20 ട്രക്കുകള്ക്കാണ് അനുമതി. ഗാസയെ നിരീക്ഷിക്കാന് സൈന്യത്തോട് സജ്ജമാകാന് ഇസ്രയേല് നിര്ദേശം നല്കി. ഗസ്സക്കു മേലുള്ള വ്യോമാക്രമണം പതിമൂന്നാം നാളിലും തുടരുമ്പോൾ കരയുദ്ധം ആസന്നമാണെന്ന സൂചന നൽകി ഇസ്രായേൽ. നൂറുകണക്കിന് നിരപരാധികൾ ഇന്നലെയും ആക്രമണത്തിൽ കൊല്ലപ്പെട്ടു.
അതെ സമയം, ദുരിതമനുഭവിക്കുന്ന ലക്ഷക്കണക്കിന് മനുഷ്യര്ക്ക് 20 ട്രക്കുകളിലെ സഹായം മതിയാവില്ലെന്നുറപ്പാണ്. ഈജിപ്ത് പ്രസിഡന്റ് അബ്ദല് ഫത്താ അല് സിസിയുമായി ബൈഡന് ഫോണില് സംസാരിച്ചതിനെ തുടര്ന്ന് റഫാ അതിര്ത്തി തുറന്നുകൊടുക്കാമെന്ന് ഈജിപ്ത് ഉറപ്പു നല്കി. റഫ അതിര്ത്തിയില് 200 ട്രക്കുകള് 3000 ടണ് സഹായവുമായി കാത്തു കിടപ്പാണ്. 100 ട്രക്കുകള്ക്കെങ്കിലും ഗാസയിലേക്ക് അനുമതി നല്കണമെന്ന് രക്ഷാ സമിതിയില് യുഎന് എയ്ഡ് ചീഫ് മാര്ട്ടിന് ഗ്രിഫിത്ത് ആവശ്യപ്പെട്ടിരുന്നു.
പ്രതികരിക്കാൻ ഇവിടെ എഴുതുക