തിരുവനന്തപുരം: സംസ്ഥാനത്ത് നവംബര് 1 മുതല് ഹെവി വാഹനങ്ങളിൽ സീറ്റ് ബെല്റ്റും ക്യാമറയും നിര്ബന്ധമെന്ന് ഗതാഗത മന്ത്രി ആന്റണി രാജു. എല്ലാ ഹെവി വാഹനങ്ങളുടെ ഡ്രൈവര്ക്കും ഡ്രൈവറുടെ നിരയിലെ മുന് സീറ്റില് യാത്ര ചെയ്യുന്നയാള്ക്കും സീറ്റ് ബെല്റ്റും, സ്റ്റേജ് കാരിയേജുകള്ക്കുള്ളിലും പുറത്തും ക്യാമറകള് ഘടിപ്പിക്കണമെന്ന നിയമവും പ്രാബല്ല്യത്തിൽ വരും.
ഹെവി വാഹനങ്ങള്ക്ക് സീറ്റ് ബെല്റ്റും ക്യാമറകളും ഘടിപ്പിക്കുന്നത് നിര്ബന്ധമാക്കുന്നത് നവംബര് 1 മുതല് ഫിറ്റ്നസ് സര്ട്ടിഫിക്കറ്റിനു ഹാജരാക്കുന്നതു മുതലേ ബാധകമാക്കാവൂ എന്ന വാഹന ഉടമകളുടെ ആവശ്യം അംഗീകരിച്ചു കൊണ്ട്, സീറ്റ് ബെല്റ്റും ക്യാമറകളും ഘടിപ്പിച്ച വാഹനങ്ങള്ക്കു മാത്രമേ ഫിറ്റ്നെസ് സര്ട്ടിഫിക്കറ്റ് നല്കാവൂ എന്നും മന്ത്രി ഉത്തരവിട്ടു.
പ്രതികരിക്കാൻ ഇവിടെ എഴുതുക