ജനീവ: ഗാസയ്ക്ക് മേല് ആക്രമണം കടുപ്പിച്ചിരിക്കുകയാണ് ഇസ്രയേല്. ഇസ്രയേല്-ഹമാസ് യുദ്ധത്തിനെതിരെ പ്രമേയം പാസാക്കി യുഎന് ജനറല് അസംബ്ലി. 120 രാജ്യങ്ങള് പ്രമേയത്തെ അനുകൂലിച്ചു. 14 രാജ്യങ്ങള് പ്രമേയത്തെ എതുിര്ക്കുകയും ചെയ്തു. അതേസമയം,
ഇന്ത്യ ഉള്പ്പടെ 45 രാജ്യങ്ങള് വോട്ടെടുപ്പില് നിന്ന് വിട്ടുനിന്നു.
ജോര്ദാന്റെ നേതൃത്വത്തിലാണ് പ്രമേയം അവതരിപ്പിച്ചത്. ഗാസയില് അടിയന്തര വെടിനിര്ത്തല് വേണമെന്നും ഗാസയിലുള്ളവര്ക്ക് സഹായമെത്തിക്കാനുള്ള തടസം നീക്കണമെന്നുമായിരുന്നു പ്രമേയത്തിലെ ആവശ്യം.
അതേസമയം, ഗാസയില് സുരക്ഷിതമായും തടസമില്ലാതെയും സഹായം എത്തിക്കണമെന്ന് യൂറോപ്യന് യൂണിയന് ആവശ്യപ്പെട്ടു. ഇതുവരെ ഗാസയില് ഏറ്റുമുട്ടലില് കൊല്ലപ്പെട്ടവരുടെ എണ്ണം 7000 കടന്നു. ഇസ്രയേല് ആക്രമണത്തില് 50 ബന്ദികള് കൊല്ലപ്പെട്ടതായി ഹമാസും അറിയിച്ചു.
പ്രതികരിക്കാൻ ഇവിടെ എഴുതുക