എല്ലാ കേരളീയർക്കും കേരളപ്പിറവി ആശംസ നേര്ന്ന് മുഖ്യമന്ത്രി പിണറായി വിജയന്. ജാതിമതഭേദ ചിന്തകള്ക്ക് അതീതമായ ഒരുമയോടെ മുന്നോട്ടു പോകാന് നമുക്ക് കഴിയണമെന്ന് മുഖ്യമന്ത്രി പറഞ്ഞു. നമ്മുടെ നാടിനെ അതിന്റെ സമസ്ത നേട്ടങ്ങളോടും കൂടി ലോകത്തിന്റെയാകെ മുന്നില് അവതരിപ്പിക്കാനുള്ള വലിയ ഒരു ശ്രമം കേരളപ്പിറവി ദിനം മുതല് ഏഴ് ദിവസങ്ങളിലായി കേരളീയം എന്ന പേരില് സംസ്ഥാനത്ത് സംഘടിപ്പിക്കുകയാണ്.
കേരളീയതയുടെ ആഘോഷമാണിത്. സ്വന്തം ഭാഷയിലും സംസ്കാരത്തിലും നേട്ടങ്ങളിലും അഭിമാനം കൊള്ളുന്ന ജനതയുടെ സര്ഗാത്മകതയുടെ ആവിഷ്കാരം കൂടിയാണ് കേരളീയം പരിപാടി. ജനമനസ്സുകളുടെ ഒരുമയിലൂടെ കേരളത്തെ പുതിയ കാലത്തിലൂടെ നമുക്ക് വഴി നടത്താം. എല്ലാ കേരളീയര്ക്കും കേരളപ്പിറവി ആശംസകള്- മുഖ്യമന്ത്രി അറിയിച്ചു.
പ്രതികരിക്കാൻ ഇവിടെ എഴുതുക