പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന മലയാള ചിത്രങ്ങളിലൊന്നാണ് എമ്പുരാന്. ചിത്രത്തിന്റെ ഓരോ അപ്ഡേറ്റും ആരാധകര് ഏറ്റെടുക്കുകയും ചെയ്യാറുണ്ട്. കൊവിഡ് കാലത്ത് നീണ്ടുപോയ ചിത്രമെന്ന പ്രത്യേകത കൂടിയുണ്ട് എമ്പുരാന്. ഡല്ഹി- ഹരിയാന അതിര്ത്തിയിലെ ഫരീദാബാദില് തുടങ്ങിയ ചിത്രത്തിന്റെ ആദ്യ ഷെഡ്യൂള് പൂര്ത്തിയായിരുന്നു.
ചെറിയൊരു ഇടവേളയ്ക്ക് നാട്ടില് എത്തിയതിന് ശേഷം ലൊക്കേഷന് ഹണ്ടിനായി യുകെയില് എത്തിയിരിക്കുകയാണ് പൃഥ്വിയും സംഘവും. ഇവരുടെ ചിത്രങ്ങള് സോഷ്യല് മീഡിയയില് പ്രചരിക്കുകയാണ്. അതേസമയം, കൊച്ചിയില് സിനിമയ്ക്ക് വേണ്ടിയുള്ള സെറ്റ് വര്ക്ക് പുരോഗമിക്കകയാണ്. കൊച്ചിയിലെ ചിത്രീകരണം ആറ് മാസത്തോളമുണ്ടാവുമെന്നാണ് റിപ്പോര്ട്ടുകള്.
നേരത്തെ ലൊക്കേഷന് തിരയുന്നതിന്റെ ഭാഗമായി പൃഥ്വിരാജ് ദുബൈയിലും എത്തിയിരുന്നു. മലയാളത്തിലെ എക്കാലത്തെയും വലിയ ചിത്രം ആവുമെന്ന് പ്രതീക്ഷിക്കപ്പെടുന്ന എമ്പുരാന്റെ അടുത്ത ഷെഡ്യൂള് ജനുവരിയിലാണ് ആരംഭിക്കുക. യുഎസ്, യുകെ, അബുദാബി എന്നിവിടങ്ങളിലാവും ഷൂട്ടിംഗ്. എമ്പുരാന്റെ യുഎസ് ഷെഡ്യൂളില് ടൊവിനോ തോമസും ഉണ്ടാവുമെന്നാണ് അറിയുന്നത്.
#Empuraan @PrithviOfficial & team in UK 🇬🇧 on recce ….. pic.twitter.com/tlgjcByNi6
— Sreedhar Pillai (@sri50) November 7, 2023
പ്രതികരിക്കാൻ ഇവിടെ എഴുതുക