രാത്രി ഉറക്കം കിട്ടാത്തത് പലരുടെയും പ്രശ്നമാണ്. സ്ട്രെസും ഉത്കണ്ഠയും വിഷാദവുമൊക്കെ ഉറക്കവുമായി ബന്ധപ്പെട്ടിരിക്കുന്നു. അതിനാല് ഉറക്കക്കുറവിന്റെ കാരണം കണ്ടെത്തി ചികിത്സിക്കുകയാണ് വേണ്ടത്. അത്തരത്തില് രാത്രി നല്ല ഉറക്കം ലഭിക്കാന് സഹായിക്കുന്ന ചില ഭക്ഷണങ്ങളെ പരിചയപ്പെടാം.
ഓട്സാണ് ആദ്യമായി ഈ പട്ടികയില് ഉള്പ്പെടുന്നത്. ഓട്സില് ഫൈബര്, വിറ്റാമിന് ബി, സിങ്ക് എന്നിവ കൂടിയ തോതില് അടങ്ങിയിട്ടുണ്ട്. അതിനാല് ഓട്സ് ഉറക്കം ലഭിക്കാന് വളരെ നല്ലതാണ്.
മഗ്നീഷ്യം നല്ല അളവില് അടങ്ങിയിട്ടുള്ള ഒന്നാണ് ബദാം. ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു. അതിനാല് രാത്രി കുറച്ച് ബദാം കഴിക്കുന്നത് നല്ല ഉറക്കം ലഭിക്കാന് സഹായിക്കും.
നേന്ത്രപ്പഴം ആണ് അടുത്തതായി ഈ പട്ടികയില് ഉള്പ്പെടുന്നത്. ഉയര്ന്ന അളവില് പൊട്ടാസ്യവും മഗ്നീഷ്യവും അടങ്ങിയിട്ടുള്ള ഫലമാണ് നേന്ത്രപ്പഴം. അതിനാല് രാത്രി നേന്ത്രപ്പഴം കഴിക്കുന്നത് ഉറക്കത്തിന് സഹായിക്കും.
കിവിയാണ് അവസാനമായി ഈ പട്ടികയില് ഉള്പ്പെടുന്നത്. വിറ്റാമിന് സി, ഇ എന്നിവയും പൊട്ടാസ്യം, ഫോളേറ്റ് എന്നിവ കിവിയില് അടങ്ങിയിരിക്കുന്നു. ഇവയുടെ ആന്റി ഓക്സിഡന്റിന്റെ കഴിവ് ഉറക്കത്തെ മെച്ചപ്പെടുത്താനും സഹായിക്കും. അതിനാല് രാത്രി കിടക്കുന്നതിന് ഒരു മണിക്കൂര് മുമ്പ് രണ്ട് കിവി പഴം കഴിക്കുന്നത് നല്ലതാണ്.
പ്രതികരിക്കാൻ ഇവിടെ എഴുതുക