പത്തനംതിട്ട: റോബിൻ ബസ് സർവീസ് തുടങ്ങിയതിന് പിന്നാലെ പിഴ ചുമത്തി മോട്ടോർ വാഹന വകുപ്പ്. അഞ്ച് മണിക്ക് പത്തനംതിട്ട ബസ് സ്റ്റാന്ഡില് നിന്ന് പുറപ്പെട്ട ബസിനു 200 മീറ്റർ പിന്നിട്ടപ്പോൾ തന്നെ പിഴ ചുമത്തി. പെർമിറ്റ് ലംഘനത്തിനാണ് 7500 രൂപ പിഴ ചുമത്തിയത്. ടൂറിസ്റ്റ് പെര്മിറ്റുള്ള ബസ് സ്റ്റേജ് ക്യാരേജ് ആയി ഓടാന് അനുവദിക്കില്ലെന്ന നിലപാടിലാണ് എം.വി.ഡി.
ഹൈക്കോടതിയുടെ സംരക്ഷണം വാങ്ങിയാണ് ബസ് നിരത്തിലിറങ്ങുന്നതെന്ന് കഴിഞ്ഞ ദിവസം ഉടമ വ്യക്തമാക്കിയിരുന്നു.
പുലർച്ചെ അഞ്ച് മണിക്ക് പത്തനംതിട്ടയിൽ നിന്നും ആരംഭിച്ച് ഉച്ചയ്ക്ക് 12 മണിക്ക് കോയമ്പത്തൂർ അവസാനിക്കുന്നതാണ് ആദ്യ ട്രിപ്പ്. വൈകിട്ട് അഞ്ച് മണിക്ക് കോയമ്പത്തൂരിൽ നിന്നും തുടങ്ങി രാത്രി 12 മണിക്ക് പത്തനംതിട്ടയിൽ ബസ് തിരിച്ചെത്തും.
പിഴ ചുമത്തിയ ശേഷവും യാത്ര തുടരുന്ന ബസിനെ വഴിയില് ഇനിയും എംവിഡി സംഘങ്ങള് തടഞ്ഞേക്കുമെന്നാണ് സൂചന.
ആഗസ്റ്റ് 30നാണ് റോബിന് ബസ് പത്തനംതിട്ടയില് നിന്നും കോയമ്പത്തൂരേക്ക് സര്വീസ് ആരംഭിച്ചത്. സെപ്റ്റംബറിൽ എം.വി.ഡി പരിശോധനയിൽ ബസിന്റെ ഫിറ്റ്നസ് റദ്ദാക്കി. തുടര്ന്ന് 45 ദിവങ്ങള്ക്ക് ശേഷം ഫിറ്റ്നസ് ടെസ്റ്റ് പാസായി ബസ് ഒക്ടോബര് 16ന് വീണ്ടും സര്വീസ് തുടങ്ങി. ബസ് വീണ്ടും എം.വി.ഡി പിടികൂടിയതോടെ കേസ് കോടതിയിലെത്തി. ഉടമയ്ക്ക് തിരികെ നല്കണമെന്ന കോടതി ഉത്തരവിനെ തുടര്ന്നാണ് ബസ് വിട്ടുനല്കിയത്.
പ്രതികരിക്കാൻ ഇവിടെ എഴുതുക