ഉത്തരകാശി: ഉത്തരാഖണ്ഡില് തുരങ്കത്തില് കുടുങ്ങികിടക്കുന്ന 41 തൊഴിലാളികളില് നാലുപേരെ പുറത്തെത്തിച്ചു. ഇവര്ക്ക് ആവശ്യമായ പ്രാഥമിക ചികിത്സ നല്കിയ ശേഷം് ഉത്തരകാശിയില് ടണലിനടുത്തുള്ള ചിന്യാലിസൗറിലെ ആശുപത്രിയിലേക്ക് മാറ്റും. തുരക്കല് പൂര്ത്തിയാക്കി ഉച്ചയോടെയാണ് ആംബുലന്സുകള് തുരങ്കത്തിനകത്തേക്ക് കടത്തി വിട്ടത്. 17 ദിവസത്തിന് ശേഷമാണ് തൊഴിലാളികളെ പുറത്തെത്തിക്കുന്നത്.
സ്ട്രെക്ചറുകളുമായി എസ്ഡിആര്എഫ് സംഘവും തുരങ്കത്തിനകത്തേക്ക് പ്രവേശിച്ചു. പത്തുപേരടങ്ങുന്ന സംഘമാണ് തുരങ്കത്തിനകത്തേക്ക് പോയത്. ഇതില് നാലുപേര് പൈപ്പിനകത്തുകൂടി തൊഴിലാളികളുടെ അടുത്തേക്ക് പോകും. ശേഷം ബെല്റ്റിട്ട് തൊഴിലാളികളെ പുറത്തെത്തിക്കാനാണ് ദൗത്യസംഘം ശ്രമിക്കുന്നത്.
പുറത്തെത്തിക്കുന്ന തൊഴിലാളികള്ക്കായി 41 കിടക്കകളുള്ള ആശുപത്രി സജ്ജമാക്കിയിട്ടുണ്ട്. ഉത്തരകാശിയില് ടണലിനടുത്തുള്ള ചിന്യാലിസൗറിലാണ് ആശുപത്രി സജ്ജീകരിച്ചിരിക്കുന്നത്. ഓഗര് ഡ്രില്ലിന്റെ പ്രവര്ത്തനം നിലച്ചതോടെയാണ് തിങ്കളാഴ്ച രാത്രിമുതല് മാനുവല് ഡ്രില്ലിംഗ് ആരംഭിച്ചത്. പൈപ്പില് കുടുങ്ങിയിരുന്ന ഓഗര് യന്ത്രത്തിന്റെ ഭാഗങ്ങള് പൂര്ണമായും നീക്കിയാണ് തുരക്കല് തുടങ്ങിയത്.
പ്രതികരിക്കാൻ ഇവിടെ എഴുതുക