സിം വാങ്ങുന്നതിനും വില്ക്കുന്നതിനും കേന്ദ്ര സര്ക്കാര് കൊണ്ടുവന്ന പുതിയ നിയന്ത്രണങ്ങള് ഇന്ന് മുതല് പ്രാബല്യത്തില് വരും. ഡിജിറ്റൽ മാർഗങ്ങൾ ഉപയോഗിച്ചുള്ള കുറ്റകൃത്യങ്ങൾ രാജ്യത്ത് വർധിക്കുന്നതിന്റെ പശ്ചാത്തലത്തിൽ അതിന് തടയിടാൻ പുതിയ നിയമങ്ങൾ നടപ്പാക്കാനൊരുങ്ങിയിരിക്കുയാണ് കേന്ദ്ര സർക്കാർ.
ഡിസംബര് 1 മുതല് എല്ലാ സിം കാര്ഡ് ഡീലര്മാര്ക്കും സര്ക്കാര് പോലീസ് വെരിഫിക്കേഷൻ നിര്ബന്ധമാക്കും. സിം വില്ക്കുന്നതിനുള്ള രജിസ്ട്രേഷന് പോലീസ് വെരിഫിക്കേഷൻ ഉറപ്പാക്കേണ്ടത് ടെലിക്കോം കമ്പനികളുടെ ഉത്തരവാദിത്തമാണ്.
ഇത് കൃത്യമായി പാലിച്ചില്ലെങ്കില് 10 ലക്ഷം രൂപ പിഴ ഈടാക്കും. തടവു ശിക്ഷയും ലഭിക്കും. നിയമം ലംഘിച്ചാല് ഡീലര്ഷിപ്പ് മൂന്ന് വര്ഷം വരെ റദ്ദാക്കും.
വാങ്ങാന് കഴിയുന്ന സിം കാർഡുകളുടെ എണ്ണത്തിന് പരിധി നിശ്ചയിച്ചിട്ടുണ്ട്. ബിസിനസ് കണക്ഷനിലൂടെ മാത്രമേ വ്യക്തികൾക്ക് വലിയ തോതില് (ബള്ക്കായി) സിം കാർഡുകൾ സ്വന്തമാക്കാനാവൂ.
അതേസമയം സാധാരണ ഉപയോക്താക്കൾക്ക് ഇപ്പോഴും ഒരു ഐഡിയിൽ 9 സിം കാർഡുകൾ വരെ ലഭിക്കും. ക്യൂആര് കോഡ് സ്കാനിംഗിലൂടെയാണ് ആധാര് വിവരങ്ങളെടുക്കുക. കെവൈസി നിര്ബന്ധമാണ്. എവിടെ താമസിക്കുന്നു എന്നതുള്പ്പെടെ വ്യക്തിഗത വിവരങ്ങള് ശേഖരിക്കും. ഒരാള് ഫോണ് നമ്പര് നമ്പര് ഡീ ആക്റ്റിവേറ്റ് ചെയ്താല് 90 ദിവസത്തിന് ശേഷമേ ആ നമ്പര് മറ്റൊരാള്ക്ക് അനുവദിക്കൂ.
പുതിയ നിയന്ത്രണങ്ങള് ഒക്ടോബര് മുതല് പ്രാബല്യത്തില് വരുമെന്നാണ് നേരത്തെ സര്ക്കാര് അറിയിച്ചത്. എന്നാല് നടപ്പാക്കല് പിന്നീട് രണ്ട് മാസത്തേക്ക് നീട്ടിവെയ്ക്കുകയായിരുന്നു.
പ്രതികരിക്കാൻ ഇവിടെ എഴുതുക