വാഷിംഗ്ടണ്: വൈറ്റ് ലംഗ് സിന്ഡ്രോം എന്ന ശ്വാസകോശ രോഗം ലോകത്തിന്റെ വിവിധയിടങ്ങളില് വ്യാപിക്കുന്നതായി റിപ്പോര്ട്ട്. അമേരിക്ക, ഡെന്മാര്ക്ക്, നെതര്ലാന്ഡ്സ് എന്നീ രാജ്യങ്ങളില് വൈറ്റ് ലംഗ് സിന്ഡ്രോം സ്ഥിരീകരിച്ചുവെന്നാണ് റിപ്പോര്ട്ടുകള്. ഡെന്മാര്ക്കില് മഹാമാരിക്ക് സമാനമായ അവസ്ഥയിലാണ് ഈ രോഗമെന്നാണ് വിവരം. നെതര്ലാന്ഡ്സിലും നിരക്കുകള് ഉയര്ന്നുകൊണ്ടിരിക്കുകയാണെന്നാണ് റിപ്പോര്ട്ടുകള്.
മൈകോപ്ലാസ്മ ന്യുമോണിയ എന്ന, ശ്വാസകോശരോഗങ്ങള്ക്കിടയാക്കുന്ന ബാക്ടീരിയല് അണുബാധ കാരണം ബാധിക്കുന്ന രോഗമാണിതെന്നാണ് ആരോഗ്യ രംഗത്തെ വിദഗ്ധര് പറയുന്നത്. കഴിഞ്ഞ ഒരുമാസത്തിനിടെ അമേരിക്കയിലെ ഒഹായോയില് മാത്രം 150 കേസുകളാണ റിപ്പോര്ട്ട് ചെയ്തിരിക്കുന്നത്. എന്നാല് ഇതിനു പിന്നില് പുതിയ രോഗാണുവല്ലെന്നും ഒരേസമയം ഒന്നിലധികം വൈറസുകളുടെ മിശ്രണം വ്യാപിക്കുന്നതാകാം കാരണമെന്നുമാണ് അധികൃതര് കരുതുന്നത്.
പ്രതികരിക്കാൻ ഇവിടെ എഴുതുക