ഡല്ഹി: രാജസ്ഥാന്, മധ്യപ്രദേശ്, ഛത്തീസ്ഗഢ് എന്നീ സംസ്ഥാനങ്ങളില് ബിജെപി വ്യക്തമായ ലീഡ് നേടി ഭരണത്തോട് അടക്കുകായണ്. മൂന്ന് സംസ്ഥാനങ്ങളിലെ മിന്നും വിജയം ആഘോഷമാക്കാനൊരുങ്ങുകയാണ് ബിജെപി. വൈകിട്ട് ആറരയ്ക്ക് പ്രധാനമന്ത്രി നരേന്ദ്രമോദി ഡല്ഹിലെ ബിജെപി ആസ്ഥാനത്ത് എത്തി പ്രവര്ത്തകരെ അഭിസംബോധന ചെയ്യും.
വിജയാഘോഷത്തില് മുതിര്ന്ന നേതാക്കളും പങ്കെടുക്കും. പാര്ട്ടി ആസ്ഥാനങ്ങളില് വലിയ ആഹ്ലാദപ്രകടനും ലഡുവിതരണവും തുടരുകയാണ്. ലോക്സഭാ തെരഞ്ഞെടുപ്പിന്റെ സെമിഫൈനല് എന്ന് വിശേഷിപ്പിക്കപ്പെട്ട സംസ്ഥാന നിയമസഭാ തെരഞ്ഞെടുപ്പുകളില് തിളക്കമാര്ന്ന ജയമാണ് ബിജെപി സ്വന്തമാക്കിയത്.
ഹിമാചല് പ്രദേശില് മാത്രമാണ് കോണ്ഗ്രസിന് ഒറ്റയ്ക്ക് ഭരണമുള്ളത്. തെലങ്കാനയില് ബിആര്എസിനെ വീഴ്ത്തി ജയം നേടാനായത് മാത്രമാണ് കോണ്ഗ്രസിന് ആശ്വാസമായത്. തെരഞ്ഞെടുപ്പില് പ്രതീക്ഷിച്ച നേട്ടമുണ്ടാക്കാത്ത സാഹചര്യത്തില് ഇന്ത്യാ മുന്നണി യോഗം വിളിച്ച് കോണ്ഗ്രസ്. എഐസിസി അധ്യക്ഷന് മല്ലികാര്ജുന് ഖാര്ഗെയുടെ വസതയില് ആറാം തീയതി യോഗം ചേരും. തെലങ്കാനയില് വിജയിച്ച എംഎല്എമാരെ കര്ണാടകയിലേക്ക് മാറ്റാന് കോണ്ഗ്രസ്.
പ്രതികരിക്കാൻ ഇവിടെ എഴുതുക