ഡല്ഹി: രാജസ്ഥാന്, ഛത്തീസ്ഗഢ്, മധ്യപ്രദേശ് എന്നീ സംസ്ഥാനങ്ങളിലെ നിയമസഭ തെരഞ്ഞടുപ്പില് വിജയിച്ച ബിജെപി എംപിമാര് രാജിവച്ചു. ലോക്സഭയില് നിന്നുള്ള ഒമ്പത് എംപിമാരും രാജ്യസഭയില് നിന്നുള്ള ഒരു എംപിയുമാണ് ഇന്ന് രാജി സമര്പ്പിച്ചത്. ബിജെപിയുടെ 12 എംപിമാരാണ് എംഎല്എമാരായി വിജയിച്ചത്. ഇതില് കേന്ദ്ര മന്ത്രി രേണുക സിങ്, മഹന്ത് ബാലകാന്ത് എന്നിവര് രാജിവെച്ചിട്ടില്ല. ഇരുവരും വൈകാതെ രാജിവയ്ക്കുമെന്നാണ് റിപ്പോര്ട്ട്.
രാജിവച്ചവരില് കേന്ദ്ര മന്ത്രിമാരായ നരേന്ദ്ര സിങ് തോമര്, പ്രഹ്ലാദ് സിംഗ് പട്ടേല് ഉള്പ്പെടെയുള്ളവര് ഉണ്ട്. കേന്ദ്ര മന്ത്രിമാര് ഉള്പ്പെടെ രാജിവെച്ച സാഹചര്യത്തില് കേന്ദ്ര മന്ത്രിസഭയില് വൈകാതെ അഴിച്ചുപണിയുണ്ടാകുമെന്നാണ് സൂചന. അതേസമയം, രാജിവെച്ച എംപിമാര്ക്ക് സംസ്ഥാനങ്ങളില് നിര്ണായക ചുമതലകള് നല്കിയേക്കും.
പ്രധാനമന്ത്രി നരേന്ദ്ര മോദിയുടേയും പാര്ട്ടി അധ്യക്ഷന് ജെപി നദ്ദയുടേയും നിര്ദേശപ്രകാരം സ്പീക്കറുടെ ഓഫീസില് എത്തിയാണ് എം.പിമാര് രാജിക്കത്ത് സമര്പ്പിച്ചത്. പാര്ട്ടി അധ്യക്ഷന് ജെ.പി. നദ്ദയും എം.പിമാരെ അനുഗമിച്ചു. നരേന്ദ്ര സിംങ് തോമര്, പ്രഹ്ലാദ് സിംഗ് പട്ടേല് എന്നിവര്ക്ക് പുറമെ മധ്യപ്രദേശില്നിന്നുള്ള രാകേഷ് സിങ്, ഉദയ് പ്രതാപ്, റിതി പതക്, ഛത്തീസ്ഗഡില് നിന്നുള്ള അരുണ് സഹോ, ഗോമതി സായി, രാജസ്ഥാനില്നിന്നുള്ള രാജ്യവര്ധന് സിങ് റാത്തോഡ്, കിരോടി ലാല് മീണ, ദിയ കുമാരി എന്നിവരാണ് രാജിവച്ചത്.
പ്രതികരിക്കാൻ ഇവിടെ എഴുതുക