തിരുവനന്തപുരം: അന്തരിച്ച സിപിഐ സംസ്ഥാന സെക്രട്ടറി കാനം രാജേന്ദ്രന്റെ സംസ്കാരം ഞായറാഴ്ച. ഇന്ന് രാവിലെ ഏഴ് മണിക്ക് എറണാകുളത്ത് നിന്ന് മൃതദേഹം ഹെലികോപ്റ്റര് മാര്ഗം തിരുവനന്തപുരം വിമാനത്താവളത്തില് എത്തിക്കും.
ഉച്ചക്ക് രണ്ടുമണിവരെ പിഎസ് സ്മാരകത്തില് പൊതുദര്ശനത്തിന് വെക്കും. അതിനുശേഷം മൃതദേഹം കോട്ടയത്തേക്ക് വിലാപയാത്രയായി കൊണ്ടുപോകും തുടര്ന്ന് വീട്ടിലെ പൊതുദര്ശനത്തിന് ശേഷം ഞായറാഴ്ച രാവിലെ പത്തിനും പതിനൊന്നിനും ഇടയില് കോട്ടയത്തെ വാഴൂരില് മൃതദേഹം സംസ്കരിക്കും.
ഇന്നലെ വൈകീട്ട് അഞ്ചരയോടെ കൊച്ചിയിലെ സ്വകാര്യ ആശുപത്രിയില് വച്ച് ഹൃദയാഘാതത്തെ തുടര്ന്നായിരുന്നു കാനം രാജേന്ദ്രന് അന്ത്യം. പ്രമേഹം മൂര്ച്ഛിച്ച്, കാലിന് ശസ്ത്രക്രിയ നടത്തിയതിനെ തുടര്ന്ന് വിശ്രമത്തിലായിരുന്നു.
പ്രതികരിക്കാൻ ഇവിടെ എഴുതുക