അര്ജുന അവാര്ഡിനുള്ള നാമനിര്ദേശപ്പട്ടികയില് ക്രിക്കറ്റർ മുഹമ്മദ് ഷമിയുടെ പേരും. 26 പേരാണ് അന്തിമപട്ടികയിലുള്ളത്. പട്ടിക കായിക മന്ത്രി അംഗീകരിച്ചാല് ഔദ്യോഗിക പ്രഖ്യാപനമുണ്ടാകും എന്നാണ് പുറത്തു വരുന്ന റിപ്പോർട്ട്.
ഇന്ത്യന് ക്രിക്കറ്റ് ബോര്ഡിന്റെ (ബിസിസിഐ) പ്രത്യേക അഭ്യര്ഥനയെ തുടര്ന്നാണ് ഷമിയുടെ പേര് അവസാനമിനിഷം പട്ടികയില് ഉള്പ്പെടുത്തിയത് എന്നാണ് അടുത്ത വൃത്തങ്ങളിൽ നിന്നും ലഭിക്കുന്ന സൂചന.
കഴിഞ്ഞ ലോകകപ്പില് അവിശ്വസനീയ പ്രകടനമാണ് ഷമി നടത്തിയത്. ഏഴു മത്സരങ്ങളില്നിന്ന് 24 വിക്കറ്റുകള് വീഴ്ത്തി ലോകകപ്പിലെ വിക്കറ്റ്വേട്ടക്കാരില് ഒന്നാമനായി. അവാര്ഡിനായി നേരത്തെയുള്ള പട്ടികയില് ഷമിയുടെ പേര് ഉണ്ടായിരുന്നില്ല. തുടര്ന്നാണ് ബിസിസിഐയുടെ ഇടപെടല് എന്നാണ് വിവരം.
പ്രതികരിക്കാൻ ഇവിടെ എഴുതുക