ഡല്ഹി: പാര്ലമെന്റിലെ സുരക്ഷാ വീഴ്ചയില് ലോക്സഭയിലും രാജ്യസഭയിലും ഇന്നും പ്രതിപക്ഷ പ്രതിഷേധം തുടരും. സസ്പെന്ഡ് ചെയ്യപ്പെട്ട 92 എംപിമാരും പാര്ലമെന്റിന് പുറത്ത് പ്രതിഷേധിക്കുമെന്നാണ് റിപ്പോര്ട്ട്. വിഷയത്തില് കേന്ദ്ര ആഭ്യന്തര മന്ത്രി അമിത് ഷാ സഭയില് സംസാരിക്കുംവരെ പ്രതിഷേധം തുടരാനാണ് പ്രതിപക്ഷ തീരുമാനം. നരേന്ദ്ര മോദിയുടെ നിര്ദ്ദേശപ്രകാരമാണ് സസ്പെന്ഷനെന്ന് കോണ്ഗ്രസ് നേതാവ് അധിര്രഞ്ജന് ചൗധരി കുറ്റപ്പെടുത്തി.
അതേസമയം, പ്രതിപക്ഷത്തിന്റെ അഭാവത്തില് ഇന്ന് ആറ് ബില്ലുകള് സര്ക്കാര് അജണ്ടയിലുള്പ്പെടുത്തിയിട്ടുണ്ട്. സംഭവത്തില് അന്വേഷണം നടക്കുന്നുണ്ടെന്നും ഇരു സഭകളിലെയും സഭാ അധ്യക്ഷന്മാര് വിഷയത്തില് നിലപാട് വ്യക്തമാക്കിയതാണെന്നുമാണ് ബിജെപി വാദം. പാര്ലമെന്റ് അതിക്രമം അന്വേഷിക്കുന്ന സമിതി സഭയ്ക്കകത്ത് തെളിവെടുപ്പ് നടത്തി.
പ്രതികരിക്കാൻ ഇവിടെ എഴുതുക