പ്രഭാസ് നായകനായെത്തുന്ന ബ്രഹ്മാണ്ഡ ചിത്രം സലാറിലെ പുതിയ ഗാനം പുറത്തിറങ്ങി. ചിത്രം നാളെ തീയേറ്ററുകളിലെത്താനിരിക്കെയാണ് ഗാനം പുറത്തിറങ്ങിയത്. ‘പ്രതികാരമോ രാക്ഷസരേ’ എന്നുതുടങ്ങുന്ന ലിറിക്കല് ഗാനമാണ് അണിയറപ്രവര്ത്തകര് പുറത്തുവിട്ടിരിക്കുന്നത്. രവി ബസ്രുര് ആണ് ചിത്രത്തിന് സംഗീതം ഒരുക്കിയിരിക്കുന്നത്.
നിര്മാതാക്കളായ ഹോംബാലെ ഫിലിംസിന്റെ യൂട്യൂബ് ചാനലിലൂടെയാണ് ഗാനം പുറത്തിറക്കിയത്. കെജിഎഫിന് ശേഷം പ്രശാന്ത് നീല് സംവിധാനം ചെയ്യുന്ന ചിത്രമാണ് സലാര്. പ്രഭാസിനൊപ്പം പൃഥ്വിരാജും സുപ്രധാന വേഷത്തിലെത്തുന്നുണ്ട്. വര്ധരാജ് മന്നാര് എന്ന കഥാപാത്രമായാണ് പൃഥ്വിരാജ് എത്തുന്നത്.
സൗഹൃദകഥ പറയുന്ന ചിത്രം രണ്ട് ഭാഗങ്ങളായിട്ടാണ് എത്തുക. ആദ്യ ഭാഗമായ സലാര് പാര്ട്ട് 1- സീസ്ഫയറിലൂടെ രണ്ടു സുഹൃത്തുക്കളുടെ കഥയുടെ പാതി പ്രേക്ഷകരില് എത്തിക്കാനാണ് അണിയറ പ്രവര്ത്തകര് ഒരുങ്ങുന്നത്. പൃഥ്വിരാജ് പ്രോഡക്ഷന്സും മാജിക് ഫ്രെയിംസും ചേര്ന്നാണ് സലാര് കേരളത്തിലെ തിയേറ്ററുകളില് എത്തിക്കുന്നത്.
പ്രതികരിക്കാൻ ഇവിടെ എഴുതുക