പത്തനംതിട്ട: ശബരിമലയില് ഇന്നും വന് ഭക്തജന തിരക്ക് തുടരുന്നു. ഇന്ന് രാവിലെ ആറ് മണിവരെ പടി ചവിട്ടിയത് 21000 ഭക്തരെന്നാണ് ഔദ്യോഗിക കണക്ക്. ദര്ശനത്തിനായി ഭക്തരുടെ നീണ്ട നിരയാണ് അനുഭവപ്പെടുന്നത്. ഭക്തജന തിരക്ക് കാരണം പമ്പയില് കര്ശന നിയന്ത്രണങ്ങള് ഏര്പ്പെടുത്തിയിട്ടുണ്ട്.
വരും മണിക്കൂറുകളില് തിരക്കില് വര്ധനവുണ്ടായാല് ജില്ലയുടെ പലഭാഗങ്ങളിലും വാഹന നിയന്ത്രണത്തിനും സാധ്യതയുണ്ട്. ഇന്നലെ മാത്രം സന്നിധാനത്ത് ദര്ശനത്തിന് എത്തിയത് 97000 ഓളം അയ്യപ്പ ഭക്തരെന്നാണ് ഔദ്യോഗിക കണക്ക്. തങ്കയങ്കിമായുള്ള ഘോഷയാത്ര മറ്റന്നാള് ശബരിമലയില് എത്തും. 27ന് മണ്ഡലപൂജയോടെ നട അടയ്ക്കും.
പ്രതികരിക്കാൻ ഇവിടെ എഴുതുക